Персийскый залив — морскый залив Индийского океана, котрый оддѣлюе Иран од Арабского полуострова.Трёшников А.Ф.
Назва Залив названый подля историчной области Персида од етнонима Персы, котра лежала на восточном березѣ од VI. стороча до н. е.. В середновѣку ку захранѣню историчной назвы приспѣла овельо векша заселеность восточного берега сопротив западному, арабскому. В сучасности Иран хоснуе и обстоюе историчну назву خلیج فارس Халидж-е-Фарс (Персийскый залив), але арабскы штаты поуживають властну назву الخليج العربي Ел-Халидж-ел-Араби (Арабскый залив).Поспелов Е. М., с. 327.
География Простертый од юговостока на сѣверозапад. На востоку, через Ормузску узину и Оманскый залив споеный з Арабскым морьом. Плоха 240 тыс. км2, довжка 926 км, ширина 180–320 км. Глубины под 50 м, найвекша, при входѣ до залива —115 м. При берегах много малых островкох, в южной части — кораловы рифы. Найвекшы островы — Бахрейн и Кешм (на граници з Ормузсков узинов. Теплота воды в августѣ 30–35°С, в фебруарѣ 15-21°С. Соленость до 42‰.ПЕРСИДСКИЙ ЗАЛИВ
Стратегичный регион свѣта
На днѣ залива и прилеглых териториях суть обширны найдища ропы и земного газа. Регион до року 1972 держала под военсков контролов Велика Британия. По одходѣ британскых войск их мѣсто заняв сталый военскый контингент США подля росказу президента Никсона, а президент Картер 23. януара 1980 выголосив залив америцков зонов вплыву и варовав, же «каждый, кто ся покусить зыскати вплыв над заливом, буде одраженый вшиткыма можныма средствами, аж и военсков силов»; утриманя америцкого войска в заливѣ коштуе рочно $60 млрд.The Persian Gulf: Understanding the American Oil Strategy Военны операции в заливѣ в роках 1991 и 2003 причинили великы екологичны шкоды..
Жерела и одказы ПЕРСИДСКИЙ ЗАЛИВ // Большая российская энциклопедия. Том 25. Москва, 2014, стр. 744 Оправлене: 2017. Одчитане: 2020-06-05 Поспелов Е. М.: Географические названия мира. Топонимический словарь. — М.: Русские словари, Астрель, АСТ, 2002 (Русские словари) (Астрель) (АСТ) Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с.
Референции
Катеґорія:Персийскый залив