Святый Дух, в христианской вѣронауцѣ — Бог, в триадологии — третя Особа (Подоба) Тройцѣ, предвѣчно выходить од Отця (в католицкой догмѣ од Отця и од Сына, Filioque) и посылать ся во свѣт Сыном (Иоанн; 15:26), мать особовы призначности, але при том затримуе сущностну едноту зоз иными Подобами.Рубан Ю. И.
Особовыма призначностями Святого Духа суть: всевѣдучость, всеприсутность, вѣчность, всемогучость, творивость, сила очищѣня од грѣха, чудотворѣня, провидѣня и др., зашто ничим ся не поступать Богу-Отцю и Богу-Сыну, мать ту исту божеску природу (φύσις).Давыдов И. П.
Зато пристоить Му поклонѣня и прославлѣня, ровное з Отцьом и Сыном (Мафтей; 28:19). Святый Дух «глаголать пророкы» (говорить через апостолох) и явив ся людьом едным необычайным способом, коли на 50-й день Воскресѣня Христового спустив ся на апостолы в подобѣ языкох огня, а и нынѣ сходить на каждого истинного христиана через усиловну молитву и тайны.Архимандрит Никифор
Главна бо особова властность святого Духа — способность освячовати — реализуе ся во святых тайнах ай иншых богослужбах. Ку Святому Духу обернена молитва Царю небесный, котра ся широко поуживать и поза храмовыма службами в каждоденных припадах перед зачатком важного подузятя, жебы призвати Святого Духа на участникох. При крещѣню Исуса Христа на Йорданѣ Святый Дух зойшов на нього в подобѣ голуба (Лука; 3:22), зато голуб ся поважуе за символ Святого Духа, ай так найчастѣйше ся зображуе в малярствѣ.
Жерела и одказы Архимандрит Никифор: Духъ Святый //Иллюстрированная полная популярная библейская энциклопедія — М., 1891 С. 205. Давыдов И. П.: Дух Святой //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. ( Академический Проект) ( Гаудеамус) С. 412 Рубан Ю. И.: СВЯТОЙ ДУХ // Большая российская энциклопедия. Том 29. Москва, 2015, с. 572 Редаговане: 2017. Одчитане: 07.07.2020
Референции
Катеґорія:Догмы