Латинска империя, Латинска Романия, Константинопольска империя, Empire latin de Constantinople, Λατινική Αυτοκρατορία της Κωνσταντινούπολης; Ρωμανία, Imperium Romaniae; — держава, закладена в року 1204 участниками четвертой крижарской выправы на завойованой нима територии Византской империи з главным городом Константинополь.Карпов С. П.:Латинская империяКарпов С. П.:Латинская РоманияПрохоров А. М., с. 691.

Окрем територии, справованой прямо императорами (Латинска империя), до империи належали вазалны части: Солуньске кральовство, Ахейске княжество, Атенске войводство и др. зависимы части. В року 1261 Константинополь быв завойованый никейскым императором, з чим Латинска империя заникла.

Взник империи Первым императором став ся Балдвин I. (1204–1205), гроф Фландрии. Часть Кон­стан­ти­но­по­ля бы­ла передана Венецианам, котры ­мали клю­чову роль в торгово-економичных звя­зях Латинской империи. Венецка република, чий флот быв главнов морсков силов латинян, достала за свою участь в четвертой крижарской выправѣ остров Крету, де пановала в роках 1206–1669.

Заник империи Латинскы императоры не мали доста ресурсох, обы удержати завойованы територии. Уже в року 1205 в бит­вѣ при Адрианополю войска Латинской империи были роз­биты болгарскым царьом Калояном, што покла­ло конець далшой экспанзии Латинян на Балканах. Балдвин I. быв заятый и в заятю загынув. Далшу поражку достали в битцѣ при Пиманионѣ в року 1225, в резултатѣ котрой стратили майже вшиткы територии в Малой Азии и на Балканах. Наконець, в юлу 1261 войско Никейской империи без боя взяло Константинополь. Латинска империя перестала екзистовати, а ей послѣдный император, Балдвин II. (1237–1261) утѣк на Запад.

Жерела и одказы Карпов C. П.: ЛАТИНСКАЯ ИМПЕРИЯ // Большая российская энциклопедия. Том 17. Москва, 2010, стр. 53 Редаговане: 2017. Одчитане: 27.07.2020 Карпов С. П.: ЛАТИНСКАЯ РОМАНИЯ // Большая российская энциклопедия. Том 17. Москва, 2010, стр. 54 Редаговане: 2017.Одчитане: 27.07.2020 Прохоров А. М. (гл. ред.): Большой энциклопедический словарь — Москва: Советская энциклопедия, 1993. — 1630 с.

Референции

Категория:Крижарскы державы