Фармер, farmer — подузятник в сельском газдовствѣ, властник земледѣлского газдовства.Большая Советская Энциклопедия
Сельскы газдовства суть дробны — селянского типа, и великы — капиталистичного типа. Дробный фармер — селянин, обробляюючый землю переважно ради задоволѣня поживовых потреб своей родины и поровнано мало завислый от торга; он не подузятник, што ся усилуе за найвекшым зыском, а лем роботник-земледѣлець, прикладуючый свой роботу ку земли, обы прокормити себе, лем зрѣдка хоснуе наемну працу.Мануилов А. А. Великый фармер — подузятник-капиталист, ориентованый на добытя як лем мож векшого зыску од выробы продуктох на торг; основов его газдовского дѣятельства служить веце або менше значный капитал и наемна праца; газдовство его цѣлком зависить од торга и зато ся веде подля системы, котра в каждом окремом припадѣ ся вызначать бѣжныма цѣнами на земледѣлску продукцию.
Фармерскы организации Интересы фармерох, як дробных, так и великых, в роках 1946–2010 глобално представляляла Меджинародна федерация аграрных продуцентох, International Federation of Agricultural Producers (IFAP), котра мала 120 националных филий в 79 державах свѣту. Од року 2011 функции IFAP перебрала Свѣтова организация фармерох, World Farmers' Organization (WFO).
В России подтримков фармерох ся занимать Россельхозбанк, котрый вывинув даколько програм про фармерскы газдовства.
Жерела и одказы Мануилов А. А.: Фермерское хозяйство //Энциклопедический словарь Брокгауза и Ефрона. Т. XXXVa (1902): Фенолы — Финляндия, сс. 587—590 Одчитане: 2020-08-04
Референции