Френсис Гери Пауерс ( Francis Gary Powers, *17. август 1929, Дженкинс, Кентукки, США – †1. август 1977, Лос Анджелес, Калифорния, США) — америцкый пилот, котрый быв зострѣленый и арештованый 1. мая 1960 в току его шпионажного перелета глубоко над териториев Совѣтского Союзу. Тота подѣя, знана як Афера U-2, потягла за собов одволаня конференции на найвысшом уровню меджи СССР и западныма великодержавами.Encyclopædia Britannica
Пауерс походив з родины баняса яко другый дѣтвак и мав пятеро сестер. По закончѣню коледжа (1950) записав ся на военску службу до воздушных сил. Воевав в Кореи, в року 1956 в шаржи капитана лишив службу во воздушных силах и перейшов до звѣдництва (CIA, Central Intelligence Agency), де гледали пилотох на програму U-2. Стратосферный аероплан U-2 быв годен лѣтати на вышках 24 – 36 км, за границями досягу совѣтскых протилетадловых сил. Не мав знакы розознаня, а пилотам ся выдавала игла на самогубство, котру мали выхосновати, кедь будуть принучены ся приземлити. Пауерс вылѣтав з авиабазы в Турции, вецераз лѣтав над СССР, а совѣтскы военны были безсилны з тым скончити. Вшытко ся але перемѣнило в року 1960, коли зыскали можность зострѣлити стратосферны летадла.Kit and Morgan Benson
Пауерса судили, вызнали винным, и достав засуд на 3 рокы темницѣ и 7 рокы лагра. Авшак, быв выслободженый уже в року 1962, вымѣнов за совѣтского шпиона.Рудолфа Абела. Пауерс вернув ся до Споеных Штатох и написав о своих пригодах книжку, котру назвав Operation Overflight: A Memoir of the U-2 Incident (Операция Перелет: спомины о пригодѣ з U-2) (1970). В року 1977 розбив ся насмерть в резултатѣ гаварии геликоптера, котрый пилотовав, працуючи в телевизной компании Лос Анджелеса.
Жерела и одказы
Референции
Категория:Студена война