Александер Бескид, Alexander Beskid, *, Абауйсанто, Мадярске кральовство – †, Кошицѣ, Чехословакия — адвокат, штатный урядник и сполоченскый дѣятель меджи Русинами Пряшовского края и Подкарпатской Руси.Іван ПопRusynacademy.sk
Сын грекокатолицкого священика Александра Бескида (1854–1923), брат Николая Бескида (1883–1947).Peter Krajňak, ml. Учив ся на гимназиях в Кежмарку и Будапештѣ, абсолвовав правничу факулту Будапештской универзиты (1912, доктор права и доктор филозофии). Працовну чинность зачав яко школный иншпектор в Дебреценѣ (1912–1919) ай на Подкарпатской Руси (1919–1924) по ей припоѣню ку Чехословакии. Быв познатый як чоловѣк высокых принципох, котрый сформовав ся як сполоченскый дѣятель независимо од того, же его стрый, Антоний Бескид, быв в урядѣ губернатора Подкарпатской Руси (1923–1933).
В роках 1924–1938 Александер Бескид быв началником реферату про вопросы културы, освѣты и вѣры Подкарпатской Руси. Приспѣвав ку активному розвою театра и домагав ся толерантности в одношѣнях меджи конфесиями и меджи розличныма културныма напрямами. В языковых спереках, котры ся розмогли по року 1936, занимав невтралну позицию а зостав активным прихыленцьом вѣрности Чехословакии. Його кандидатура на функцию вицегубернатора, яку традично обсаджовали Чехы, была спочатку одсунута президентом (септембер 1938). Лем по Мниховской догодѣ быв покладеный за вицегубернатора (1.10.1938), хоть тогды чехословацке веджѣня было в повной мѣрѣ замѣнене автономным подкарпатскым урядом (11.10.1938). Але и в тых новых условиях повнив функции вицегубернатора даколько тыжднѣ. По остаточном роспадѣ Чехословакии (марец 1939) пришов до Пряшова и понукнув свои службы словацкому штату. Якоже достав негативну одповѣдь, перешов до Кошиць, котры тогды были частьов Мадярщины, де перебыв войновы часы. В року 1945 робив куртый час в державной службѣ обновленой Чехословакии, пак скоро на три десятьроча став ся безучастным позоровательом живота за комунистичного режиму.
Жерела и одказы Іван Поп: Бескид Олександр // Сс. 50–51.
Референции
Катеґорія:Державны урядници Катеґорія:Русиньскы політіци Катеґорія:Персоналії подля алфавіту