Карловицкый мир — мирова догода, подписана 26. януара 1699 на Карловицком конгресѣ меджи членами Священной лигы (Священна римска империя, Венецка република, Русске царство и Рѣчь Посполита) з едной стороны и Османсков империев з другой стороны.Encyclopædia BritannicaКонстантинов В. Ю.
Догварькы ся зачали в октобрѣ 1698 при посередництвѣ Англии и Нидерландох. Через выниклый конфликт интересох членох коалиции Карловицкый мир склав ся зоз сепаратных догод меджи нима и Османсков империев, а Россия подписала лем примирѣня на два рокы, а остаточне урегулованя было досягнуте Константинопольскым миром (1700).
Австрия достала такой вшитку територия Мадярского кральовства (без малонаселеной части уже одвойованого Темеша, котру вернули Османам), Княжество Ардял, Хорватию и Славонию. Карловицкий мир обернув Австрию на едну з великых европскых держав.
Рѣчь Посполита достала назад Подолию з твердыньов Камянець, але вернула Османам заяты скорше молдавскы територии. Венецка република достала Морею (Пелопонез), часть Далмации и островы, котры завойовала. Карловицкый мир поклав конець османской експанзии в Европѣ и зачаткови вытѣснѣня Османох з континента.
Жерела и одказы
Референции
Категория:История Австрии Категория:История Литвы Категория:История Мадярщины Категория:История Польщи Катеґорія:История России Категория:История Турции Категория:Мировы договоры Катеґорія:Історія Европы