Фердинанд Видра, Vidra Ferdinánd, *1815 Весприм, Мадярске кральовство –†1879, Бѣлкы, жупа Берег, Мадярске кральовство — мадярскый малярь, иконописатель, котрого значна часть робот зроблена про подкарпатскы храмы.Поп И.
Учив ся на Академии умѣня во Вѣдню. Яко штипендиста быв посланый до Рима, де перебыв веце рокыRévai nagy lexikona(1840–1845),ЗОУНБ штудуючи малярство добы барока.
В Римѣ намальовав свой образ Паннония (1844) и приготовив рисунок з образа Рафаела Теология (1846); обѣ тоты роботы пак трафили до Националного Музея в Будапештѣ. В року 1845 намальовав двѣ иконы про иконостас веспримского катедралного храма. Быв приятый за епархиалного маляря Мукачовской грекокатолицкой епархии и в року 1858 вымальовав унгварску катедралу.
В року 1859 вымальовав церкву Роздва Пресвятой Богородицѣ в Зарѣчовѣ Перечинского району.Михайло Приймич Його роботы были и часть образох про иконостас церквы Успѣня Пресвятой Богородицѣ в Мукачовѣ,Павленко Г. В.
Подкарпатску творчость майстра мож роздѣлити на два периоды: спочатку переважно працовав в Ужанской долинѣ, ку той добѣ належать и роботы в Мукачовѣ, в другом периодѣ переселив ся до Бѣлок и працовав там ай по селах Иршавского района.
Фердинанд Видра приношовав до мѣстного малярства поступы и принципы италианского позднього барока, його фрескы и ряд образох выникають композичным розмахом, декоративностьов колориту, динамиков и реалистичнов достовѣрностьов постав тай зображеного простору.
Жерела и одказы
Vidra Ferdinand //Révai nagy lexikona. 19. köt. Révai Testvérek Irodalmi Intézet Részvénytársaság, Budapest. 1926 С. 224. Павленко Г. В. Діячі історії, науки і культури Закарпаття. Малий енциклопедичний словник. Ужгород, 1999. С. 35. Поп, Иван: Видра Фердинанд //Энциклопедия Подкарпатской Руси. — Ужгород: Изд-во В.Падяка, 2001. — 431 с. С. 115.
Референции
Катеґорія:Маляре