Иван Парканий, Ivan Párkányi, (, Терешул, Мадярске кральовство — , Прага, Чешска република) — политичный, сполоченскый и державный дѣятель Чехословакии, четвертый и послѣдный губернатор Подкарпатской Руси.
Биография Молоды рокы и штудии Пришов на свѣт яко третий дѣтвак з восьмерох в родинѣ Федора Паркания, учителя русинской грекокатолицкой школы в Тересовѣ Тячовского округа. Учив ся раз на Береговской, пак Мукачовской гимназии, де матуровав; дале на правничой факултѣ Будапештской универзиты, де в року 1918 зыскав диплому доктора права.Павленко Г.В. В часѣ штудий мусѣв собѣ заробляти на живобытя педагогичнов, канцеларсков и правничов роботов.
Урядницка робота В добѣ Руськой Крайны быв урядником штатной управы в Хустѣ, де зажив драматичну окупацию Хуста румынскым войском. По прилучѣню Подкарпатской Руси ку Чехословакии быв началником Мукачовского округу, пак на куртый час (1. юн – 6. новембер) 1921 — Довжанского округу, за чим быв покликаный до Прагы на роботу в канцеларни предсѣдництва влады.
Од року 1924 — началник реферату про Подкарпатску Русь в Канцеларни президента републикы. Тот пост занимав при трьох президентах (, , ). 4. октобра 1938 заняв пост министра чехословацкой влады в дѣлах Подкарпатской Руси и представляв позицию влады в догварянях з политичныма партиями о автономии Подкарпатской Руси. Лѣтав меджи Прагов и Ужгородом военскым летадлом: 8. октобра до Ужгороду, де ся формовала нова автономна влада, а 9. октобра назад до Прагы, де информовав кабинет о тяжкой ситуации в Подкарпатской Руси. Такой тот день через несуглас з позициев Прагы быв одстраненый од влады губернатор Подкарпатской Руси Константин Грабарь, а на его мѣсто менованый Иван Парканий. Яко губернатор выдав на веце языках манифест, в котром вызвав обывательох Подкарпатской Руси ку спокою, праци, злагодѣ и вѣрности Чехословакии. Але видячи, же не годен змѣнити ход подѣй, подав демисию и вернув ся до Прагы ку функции референта. За нацистичной окупации быв зо своих функций пропущеный на «неплачены празднины». По войнѣ вернув ся до штатной службы в Канцеларни президента, де в розличных функциях служив до пензии (1952). За цѣлу добу свого урядництва не быв членом жадной партии и выступовав лем в интересах закона и штату.
Сполоченска чинность И. Парканий в Празѣ заслужив ся о створѣня интерната про подкарпатскых штудентох и особнѣ дозерав, жебы там вшитко было на уровни. Основав Сполок св. Василия Великого, котрый здружовав грекокатолицкых вѣрникох и старав ся о заложѣня грекокатолицкой фарности в Празѣ. Быв первым предсѣдником того сполку. Резултатом той чинности было, же в року 1931 пражскый архибискуп Франтишек Кордач даровав грекокатоликом бароковый костел св. Климента на Карловой улици в пражском Старом Мѣстѣ. быв довгорочным куратором той фарности, котра была урядно вызнана 16. децембра 1933, а в року 1935 утверджена Святов Столицьов. Папа Пий XI. 4. юла 1938 оцѣнив заслугы Ивана Паркания найвысшов наградов, котра може быти придѣлена мирянам: орденом св. Силвестра з титулов рыцаря-команданта. Пражска грекокатолицка фарность была в комунистичнов владов делегализована и передана до хоснованя православным. В року 1968 еще раз заслужив ся о то, же была грекокатолицка фарность регабилитована и ей маеток быв навернутый. Днесь там умѣщена резиденция грекокатолицкого екзарха Чешской републикы.
Приватный живот В року 1931 ся оженив з Олгов Петриковов, дѣвков ужгородского публичного нотаря, и мали трое дѣти: Цирила, Марию и Вѣру. В року 1987 овдовѣв. До самой смерти 23. децембра 1996 перебывав в кругу родины под дозором своих двох дѣвок.
Жерела и одказы Křížová, Marie; Vacová, Věra, dcery: 110 let od narození Dr. Ivana Párkányiho, velkého syna malého národa. //Podkarpatská Rus – Časopis Společnosti přátel Podkarpatské Rusi. 2005, roč. 15, čís. 4/2005, s. 3. Магочій П.Р., Поп І. (уклад.): Парканій Іван // С. 574. Павленко Г.В. Діячі історії, науки і культури Закарпаття. Малий енциклопедичний словник. Ужгород, 1999. Сc. 135–136. Поп, Иван. Энциклопедия Подкарпатской Руси. Ужгород: Изд-во В.Падяка, 2001. Сc. 293–294.
Референции
Катеґорія:Русиньскы політіци Катеґорія:Державны урядници