Република и кантон Нушател, Neuchâtel, Neuenburg — франкоязычный кантон на западѣ Швайцу. Административный центер — город Нушател.Encyclopædia Britannica
Полога и районизация
Кантон Нушател межуе з Франциев на сѣверозападѣ и озером Нушател на юговыходѣ, з кантонами Берн на сѣверовыходѣ и Во на югозападѣ. Найнизше пасмо кантона, што ся тягне вздовж озера, называне Винниця (Le Vignoble) або Побережа (Le Littoral)— район винарства. Высше положены суть горскы долины з середньов вышков з котрых двѣ найвекшы Травер (Val-de-Travers) з рѣков Арез (L’Areuse) и Руз (Val-de-Ruz) з рѣков Сейон (Seyon), котры ся вливають в озеро Нушател. Найвысше положена часть кантона, Нушателскы горы (Montagnes neuchâteloises) з вышков около . В долинах и горах суть положены промыслово вывинуты локалиты, меджи котрыма индустриалный центер Ла Шо-де-Фон, найвекшый город кантона.
История Латинска назва Novum Castellum (Новый замок, Neuchâtel) была найпервѣ упомянута в тестаментѣ краля Бургундии Рудолфа III., котрый умер в року 1032. Его панство поступно выростало и в року 1373 уже занимало територию днешнього кантона. В руках французскых володарьох было до року 1707, коли вымерла Орлеанско-Лонгвилска династия, а пак перешло под владу Пруссии. В року 1815 княжество Нушател вступило до Швайчарской конфедерации, як едина ей нерепубликанска часть. але уже в року 1848 было выголошено за републику, а в року 1857 доконця и прусскы монархы одказали ся од претензий на Нушател.
До року 2018 кантон быв административно члененый на 6 округы: Будри Вал-де-Руз Вал-де-Травер Ла Шо-де-Фон Ле Локл Нушател Од 1. януара 2018 тоты округы уж суть лем про штатистику, административно вшиткы 31 комунит суть подряджены прямо владѣ кантона.Amtliches Gemeindeverzeichnis der Schweiz
Обывательство Обывательство переважно франкоязычне и протестантске. Школоповинный вѣк од 4 до 11 рокы. Около 60% суть затруднены во сферѣ служеб. Около 74% суть швайчарскы горожане, иншы — чужоземцѣ (2015).
Жерела и одказы
Референции
Категория:Кантоны Швайцу