Импресионизм, од impression 'доим, переятя' — умѣлецкый напрям, котрый ся усилуе зобразити свѣт в его рухливости, змѣнчивости, передати субъективны переятя автора.Білоус П., с. 320.
Дефиниция достала интердисциплинарный характер: она ся росширила на музику, скулптуру, филозофию, литературу.Николюкин А. Н.
Назва Импресионизм взник в конци XIX. стороча и быв звязаный з парижсков выставков образох групы французскых малярьох, котры ся назвали Анонимна кооперация малярьох (15. апрѣль 1874). На той выставцѣ быв образ Клода Моне, названый Импресия. Всход сонця, зашто в умѣлецком часописѣ Le Charivari появила ся высмѣшна статья о выставцѣ под титулом Выставка импресионистох, але тота высмѣшна назывка стала ся назвов умѣлецкого напряма, хоть сама група по часѣ роспала ся.
Характерны черты в малярствѣ Импресионисты зробили дефинитивный крок ку индивидуализации умѣлецкого процеса, вывольнѣню от всякых канонох и общых правил. Они были противници всякых идей и теорий, програмности, сюжетности, морализованя, характерных про «салонне» класичне умѣня. Они ся не старали о «чистоту жанра»: могли мѣшати бытовый образ и портрет, портрет и пейзаж ани о композицию як едину штруктуру образа: намѣсто того розумѣли малярскый образ як моментку, зафиксовану объективом камеры, фрагмент натуры, увидженый на оболок, ци ай кроз ключову дѣрку.Кулаков В. А., Полётова Л. А.
Они зачали мальовати даколькыма немѣшаныма фарбами, кладучи их едну при другой, не ослабльовали колор, напротив заставляли го через контрастность комбинаций мереконѣти, домогали ся ефекта чисто малярского переятя, бо в природѣ, подля них, суть лем чистые колоры, котры все по новому ся складують в людском приймованю. Тото росскѣпаня свѣтла ростоплюе линию, контур, детал. На их мѣсто приходить новый тип сюжета — характер, настрой, мелодия, схоплены малярьом без участи мысли. Образ ся складуе в малярску форму як симфония, вибрация колорох.
В иншых умѣнях В роках дефиницию импресионизма апликовали и ку скулптурѣ. Ту ся выказала в намаганю передати момент руху, текучость форм, в намѣреной пластичной незавершености, сполудѣяню скулптуры зо свѣтлом.
Принципы малярского импресионизма потому зачали переношовати на музику, литературу, театер, хореографию, филм. Поужитя того термина в такых одношѣнях доста условне и частьов умѣлствознательох ся оспорюе.
Жерела и одказы Білоус П.: Термінологічний словник. //Білоус П. В.: Вступ до літературознавства: навч. посіб. — Київ: ВЦ «Академія», 2011. — 336 с. — — сс. 316-330. Кулаков В. А., Полётова Л. А. и др. ИМПРЕССИОНИЗМ //Большая российская энциклопедия. Том 11. Москва, 2008, стр. 157 Верзия: 2016. Одчитане: 30.01.2021 Николюкин А. Н. (ред.): Литературная энциклопедия терминов и понятий — Институт научной информации по общественным наукам — Москва: НПК «Интелвак», 2001
Референции
Категория:Умелецькы напрямы