Драгомановка, драгоманівка — фонетичный правопис, выпрацованый в в Киевѣ групов украинскых филологох и културникох, веденой Павлом Житецкым, в интересах складаня словника украинского языка. До той групы входив и Михайло Драгоманов.Г. П. Півторак
Основны принципы Основным принципом была покладена одповѣдность едной литеры едной фонемѣ.Володимир Кубийович Зато з азбукы были вылучены вшиткы литеры, котры означовали дифтонгы (є, ї, щ, ю, я). Намѣсто литеры щ было принято писати шч, а намѣсто йотованых є, ї, ю, я — jе, jі, jу, jа (на зачатку слова, а инде позад гласных ай твердых согласных) або ье, ьі, ьу, ьа (по согласных на позначѣня их мягкости). Намѣсто -ться на конци часослов было предписане -тцьа.
История Очевидный на том правописѣ вплыв фонетичного сербского правописа. Сам Павло Житецкый называв го «герцеговинков». В добѣ тогдышного ограничѣня украинского книгопечатаня в России (Емскый указ 1876) драгомановка на Украинѣ не была опубликована и хоснована. Але , по року 1876 на емиграции хосновав ю во своем выдавательствѣ (Женева, од 1878). З того часу про тот правопис усталила ся назва «драгомановка».
Примѣр текста
Интересны факты Перве выданя роману «Хіба ревуть воли, як ясла повні?» Панаса Мирного вышло драгомановков (Женева, 1880).
Жерела и одказы Володимир Кубийович (ред.): Драгоманівка // Енциклопедія українознавства: Словникова частина : [в 11 т.] / Наукове товариство імені Шевченка ; гол. ред. проф., д-р Володимир Кубійович. — Париж ; Нью-Йорк : Молоде життя, 1973. Т. 2, с. 589. Г. П. Півторак: Драгоманівка // Енциклопедія Сучасної України: електронна версія [веб-сайт] / гол. редкол.: , , та ін.; НАН України, НТШ. Київ: Інститут енциклопедичних досліджень НАН України, 2008. Одчитане: 26.05.2021
Референции
Категория:Украинскый язык