Александер Митрак, Олександр Андрійович Митрак; 16. октобер 1837, Плоское, Жупа Берег, Мадярске кральовство — 17. марец 1913, Росвигово, Жупа Берег, Мадярске кральовство — русинскый будитель, священик, писатель, поет, фолклориста и етнограф, лексикограф.Іван ПопДанилюк Д.Д.Евмений Сабов
Биография Родителями А. Митрака были о. Андрѣй Митрак, плосковскый парох и Сузанна Бренцовичова. По закончѣню зачаточной школы в родном селѣ учив ся в Унгварской гимназии (1847–1853) шѣсть клас, а сему-восьму в Сату Маре (1853–1855), пак в Унгварской грекокатолицкой семинарии (1856–1862). Высвяченый на священика в Унгварѣ епископом Василием Поповичом 4. новембра 1862. Служив в Илници (од 21. новембра 1862), (од 20. новембра 1863 по 4. апрѣля 1864), Ясеновѣ (од 30. септембра 1868), Кленовой (од 1. мая 1871) и Ворочовѣ (1891–1899). В роках 1864–1868 учив закон Божый в Мукачовской народной школѣ. В роках 1881–1890 быв благочинным Занастасского округа, бывав в Кленовой. Од 1. януара 1900 Митрак уже лишив священичу службу.и бывав раз в Унгварѣ, а од року 1905 и до смерти — в Росвиговѣ.
Творба А. Митрак жив серед люду, добрѣ видѣв мѣзерный живот подкарпатского селянина и лишив цѣнны етнографичны свѣдчѣня о его становиску, звычаях, домашности ("Домашній бытъ угро-русскаго крестьянина", "Сѣнокосы угро-руссовъ", "Народная свадьба угорскихъ русиновъ" и др.). Вельо зробив про всокочѣня памяток духовной културы подкарпатскых Русинох. Пять его рукописных зберок народных спѣванок Яков Головацкый замѣстив до 4-томного зборника "Народныя пѣсни Галицкой и Угорской Руси" (Москва, 1878). Ряд черт и статей опубликовав в галичанскых выданях. Окремы его творы опубликованы в зборнику "На Верховині" (Ужгород, 1984). В року 1867 путовав по верховинскых селах Угорской Руси и описав свои доятя в новинцѣ Свѣтъ под назвов "Путевыя впечатлѣния на Верховинѣ", а тот опис ся став документалным обвинѣньом влады и едным з найлѣпшых взорох его социално заостреной прозы.Александер Митрак
Его "Русско-мадьярскій словарь" и "Мадьярско-русскій словарь" были поважованы за найвысшы досягнутя русофилской русинской интелигенции.
Интересны факты 7. юна 1931 в Мукачовѣ отворили памятник Александрови Митраку; в славности были участны гувернер Подкарпатской Руси Антоний Бескид, краинскый президент Антонин Розсыпал вшиткых участникох было 7300 особ; о той славности писав журнал Карпатскій Свѣтъ 1931 и была выдана брошура як додаток ку журналу 1931. Колекционер старых поштовок и фотографий Игорь Гуледза подав во своем фотопроектѣ о Мукачовѣ три поступны фотографии о далшой истории того памятника з рокох 1940, 1944, 1985.
Жерела и одказы Данилюк Д.Д.: Митрак Олександр Андрійович // Енциклопедія історії України: / Редкол.: (голова) та ін. НАН України. Інститут історії України. - К.: "Наукова думка", 2009 — Одчитане online: 06.06.2021 Іван Поп: Митрак Олександр (Митракъ Александръ, Mitrák Sándor) //
Референции
Катеґорія:Русиньскы писателї Катеґорія:Русиньскы поеты Катеґорія:Русиньскы народны дїятелї Катеґорія:Русиньскы фолклорісты Катеґорія:Етнографы Катеґорія:Лексикографы