Нижное Болотное, Нижнє Болотне — село Закарпатской области Украины. До року 2020 административно належало ку Иршавскому району, од року 2020 — ку Хустскому, одтогды тыж припадать ку Зарѣчанской сельской громадѣ з центром в Зарѣчу, до котрой належать тыж села Гребля и Ольховка.
Полога Лежить на сѣверных обочах Севлюшского пасма, котре входить до Вигорлат-Гутина. Тутешны грунты суть вгодны про винницѣ. Село лежить на вливѣ потока Шард(ик) до потока Берберка, што припадать ку лѣвобережному базену Боржавы.
История Первый раз упомянуте в року 1351. В словнику Елека Финьеша (1851) упомянуте в парѣ з Вышным Шардом (дн. Широке), же оба села суть русинскы, належать до Великосевлюшского панства, але Нижный Шард мать май уроднѣйшы землѣ и красны лѣсы. Подля урбарскых документох властниками тых земель в жупѣ Угоча быв род Перенѣ и, часточно, Телеки.
В року 1910 Нижный Шард, Alsósárad, мав 629 обывательох, меджи котрыма были: 536 Русины, 83 Нѣмцѣ, 5 Мадяре; подля вѣры 540 грекокатилици и 89 израелиты.A történelmi Magyarország
В року 1930 Нижный Шард, Nižní Šard, мав заевидованы 728 обывателе: 670 Русины, 50 Евреи, 2 Чехы и Словаци, 6 чужоземцѣ. Грекокатолицка громада числила 673 вѣрникы а мала муровану церкву од року 1864 и церковну русинску школу (една класа).Достал, Ярослав, сс. 208–209.
Од добы УССР Нижный Шард, перейменованый на Нижное Болотное,Указ Президії Верховної Ради УРСР від 25.6.1946 административно быв в Иршавском районѣ, котрый од року 2020 инкорпорованый Хустскым районом.
Вызнамны родаци Юрий Станинець (1906–1994), священик, писатель.
Жерела и одказы A történelmi Magyarország atlasza és adattára 1914 Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014.
Референции
Катеґорія:Населены пункты Украины Катеґорія:Населены пункты Закарпатской области