Дмитро Кешеля, Кешеля Дмитро Михайлович *27. октобер 1951, Клячаново, Мукачовскый район, Закарпатска область, УССР — прозаик, новинарь, драматик, сценариста, член НСПУ (1979).Поп, ІванХланта І. В.Ходанич П. М.Картка: Кешеля Дмитро Михайлович
Животопис Пришов на свѣт в селянской родинѣ. Середню школу в закончив в родном селѣ (1969). Уже в школѣ выступив зо своим первым повѣданьом Тополя в районной новинцѣ Прапор перемоги (Мукачово, 1967). Притяг до красного слова привюг го на филологию до Ужгородской державной универзиты (1969–1974), по закончѣню котрой працовав в Закарпатском областном комитетѣ радиа и телевизии. Од року 1996 — заступник генералного директора Закарпатськой областной державной телерадиокомпании. Автор пару десяток книг (повѣданя, повѣсти, романы, дѣточы книгы), успѣшный драматик, сценариста и режисер понад десяткы филмох о културѣ, традициях, истории и вызнамных особах родного края. Вшиткы рецензенты зазначали неповторность штилу: поеднаня фантастичного з реалистичным, трагичного, комичного и лиричного, свойску манѣру росповѣди, напятый сюжет, тонке одчутя ритму, словно-звукового низаня речи, стямили близкость його писма до химерных романох и прозы .
Язык и литературный стил Д. Кешеля пише по украинскы, але густо домѣшуе з руснацкой народной бесѣды, хоть сам, як урядник сферы масмедий, печливо ся осокочуе всякых контактох з русинскыма организациями и нияк ся не участнить в их акциях. Его героями суть «шалены Руснаци», в его книгах нанезрахованя историчных и политичных подробностей, о котрых пише зоз сарказмом и «шаленым гумором, што додавать збѣснѣлой скорости его творам: лем перше есь быв в серединѣ книжкы, а вже есь на околици, а й сама держава уж ся зостала за готаром».Нейметі, Мар'яна
Дакотры литературны критикы проводять паралелѣ межи творчостьов Дмитра Кешелѣ и Николая Гоголя, Карлоса Кастанеды, Габриела Гарсия Маркеса, иншыма творцями «магичного реализму».
Родина Мать жену Надю, дѣтей Лесю и Тараса (теперь уже доростлых), котры му все были помочов в роботѣ.
Интересны факты В часѣ штудий на универзитѣ на первом рочнику Кешеля написав филозофско-поетичны Монологы-молитвы за котры го обвинили з «выкривлѣня совѣтской реалности и замаху на социалистичный реализм» а лем чудом го не выгнали.
Жерела и одказы
Поп, Іван: Кешеля Дмитро // Хланта І. В.: Кешеля Дмитро Михайлович //
Референции
Катеґорія:Украинскы писателе Катеґорія:Новинаре