Затисовка, Csomafalva — село в бывшом Виноградовском районѣОд року 2020 инкорпорованый Береговскым районом. Закарпатской области Украины, подряджене до року 2020 Чеповской сельской радѣ,Тронько П., с. 248. а по административной реформѣ року 2020 — Пийтерфолвовской териториалной громадѣ.Облікова картка
Полога Лежить в оддалѣню около на югозапад од найблизшого мѣстечка Королева.
История Перва задокументована упоминка под назвов Chamafalva датована роком 1352. Первы обывателе были Мадяре, в року 1552 перейшли на реформатску вѣру. Од 1800-х село ся упоминать под назвов Чома, Csoma. Подля географичного словника Елека Фийньеша (1851) село Чома уже упомянуте як руське, зоз 186 обывателями грекокатолицкой вѣры и 37 юдейской, добрыма землями и паслами, великов дубравов, землевластником была родина Сирмай, Szirmay.Magyarország geográfiai szótára – Fényes Elek: Csoma
В року 1910 в селѣ заевидованый 391 обыватель, з того были: 242 Русины,142 Мадяре, 7 Нѣмцѣ; подля вѣры были: 348 грекокатолици, 19 реформаты, 17 римокатолици, 7 израелиты. До Трианона село припадало Затисянскому округу, Tiszántúli járás, жупы Угоча.A történelmi Magyarország
В року 1930 (чехословацка доба) в селѣ Čoma (Csomafalva) были 378 обывателѣ: 313 Русины, 20 Мадяре, 14 Евреи, 31 чужоземець. Грекокатолицка громада числила 325 вѣрникох и мала муровану церкву Успѣня Пресвятой Богородицѣ з року 1910 ай русинску школу (2 класы).Достал Я., с. 202.
Украинска доба истории села зачала ся 26. октобра 1944 з приходом Червеной армады, село было перейменоване спочатку на Чоума, пак Чума за Тисою, наконець, в року 1946 на Затисовку. Мотивация перейменованя была: «збереження історичних найменувань та уточнення … назв … Закарпатської області».
Вызнамны родаци Андрѣй Ворон (1901–1962) — политик Карпатской Украины, писатель, учитель
Жерела и одказы A történelmi Magyarország atlasza és adattára 1914 Доступно онлайн Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Том 7. Закарпатська область. К. 1969. Облікова картка на сайті ВРУ
Референции
Катеґорія:Населены пункты Украины Катеґорія:Населены пункты Закарпатской области