Неологи́зм од νεολογισμός, од νέος новый и λόγος слово— слово, або вызнам слова ци словозлукы, однедавна взникле в языку, котрого перед тым не было.Котелова Н. З.Жеребило Т. В.
ВластностиНеологизмы суть слова, котры хыблять в словниках, але таке означѣня нич не каже о властностях, котры характерны про неологизмы. В розвитых языках число неологизмох, котре фиксують в новинках и часописах в току едного року, сягать на десяткы тысяч. Тому причина социална потреба поименованя вшиткого нового, што взникло и хоче мати свое мѣсто в системѣ языковых средств. Обычайно неологизмы ся творять на основѣ слов и морфем, котры уже были в языку. Але ся можуть творити ай експериментално, напримѣр, в научно-фантастичной литературѣ. Велика часть неологизмох суть слова, позычены з иншых языкох, одкы пришли тоты новы реалии, котры они означують.
ТипологияРозознають неологизмы денотативны (тоты означують новы реалии), або штилистичны (котры приносять ефект новоты штилу). В широком вызнамѣ неологизм годен быти лексичным, словотворным,фонетичным, морфологичным и синтаксичным: в узком вызнамѣ неологизмом называють лексичный або семантичный словотвор. Семантичны неологизмы суть слова з активного словного фонда, у котрых ся появлять новы вызнамы. Лексичны неологизмы ся появляють: з властных слов языка через продуктивны словотворны парадигмы; перебраньом з чужого языка.
НеологияРоздѣл лингвистикы, што ся занимать штудиями неологизмох, ся называть неология, а в дакотрых штатах (СССР, США, Франция, Япония) были створены ай центры неологии. Неология штудуе активны процесы в лексицѣ и фразеологии.
Жерела и одказы
Референции
Катеґорія:Лінґвістіка