Лексика або лексико́н (од , середный род од „[дотычный] слова“) — сума слов языка, его словниковый фонд. Тот термин ся тыж хоснуе односно окремой части, пласта словникового фонда (лексика каждоденна, лексика бюрократична, лексика поетична), або односно сумы слов, поуживаных дакотрым писательом (лексика Павловича), або односно сумы слов едного литературного дѣла (лексика „Марка Шолтыса“). Роздѣл лингвистикы, котрый общо штудуе лексику — лексикология.Кузнецов А. М.
Каждый язык мать велике множество слов, але не вшиткы слова ся в даном языку хоснують еднако часто. Активна лексика — тота, што ся хоснуе каждоденно, бѣжно;Жеребило Т.В. котру люде не лем розумѣють, але и хоснують; котра ся поуживать з великов фреквенциов.Плїшкова А., Копорова К., Ябур В. (2015) Пасивна лексика — тота, котру люде розумѣють, але бѣжно не хоснують; котра ся поуживать з малов фреквенциов, а ку тым ся односять: архаизмы (глас, чадо); историзмы (биров, желярь, левент); неологизмы (викенд, козмодром, мобил); диалектизмы, што ся хоснують лем локално (Бачка: озда „ачей“, Мараморош: пораз „даколи“)
Богатство словника у бесѣдуючых росте з вѣком, з прибываньом скушеностей а подвышѣньом освѣты.Плїшкова А., Копорова К., Ябур В. (2019) Дѣтвакови, котрый зачинать бесѣдовати, выстачить пару слов, але розвой словной засобы проходить барз быстро: в еден-два рокы лексика дѣтвака як правило ся творить 50 словами а годна доходити до 500 слов; штырирочна дѣтина знать уж коло тысяч слов, до пяти рокох дѣти ся выражають лексиконом розмѣром в 2,100–2,200 слов, а до шести — 2,600 слов а розумѣють дас 20,000–24,000. Векшина дѣтей бере си в лексикон дас по 10–20 слов за тыждень; дѣтвак в ошколѣ учит дас 6–7 слов в день межи 6–8 роками и дас 12 в день у 8–10 рокох. Изглядованя з року 2007 вказало, же за день челядник просѣково хоснуе дас 16,000 слов).
Чим веце слов чоловѣк знать, тым мать векшу можность выбрати слова про свое выповѣджѣня, а выбор слов, тото уже штилизация. Хоть е активна словна засоба доростлого велика, в каждоденной рутинной бесѣдѣ люде часто хоснують лем обмежену словну засобу около 500 слов. О прировнаню, текст приповѣдкы, написаный на 10 странах, мать 500–700 слов.
Жерела и одказы Жеребило Т.В.: Словарь лингвистических терминов. Изд. 5-е, испр. и доп. — Назрань: ООО «Пилигрим», 2010. – . Кузнецов А. М.: Лексика //Языкознание. Большой энциклопедический словарь / Гл. ред. В. Н. Ярцева. — 2-е изд. — М.: Большая Российская энциклопедия, 1998. —
Референции
Катеґорія:Лексика Категория:Лексикология