Уніо, Unió — русинске выдавательство в Ужгородѣ. Было створене по розвязаню «Общества св. Василия Великого (1902) з цѣльов продовжѣня его выдавательской чинности.Иван Поп
Во своих споминах Августин Волошин подробно описуе закладаюче засѣданя 30. юна 1902 и суперѣня меджи будапештскыма и унгварскыма акционерами за контролу над чинностьов новозаложеного акцийного дружства. Наступна юридична регистрация общества тягла ся два рокы.
На челѣ управной рады стояли грекокатолицкы священникы о. Виктор Каминскый (1902–1918) и о. Августин Волошин (1919–1929). Выдавали тыжденник Görög katholikus szemle по мадярскы и тыжденник Наука по русинскы, катехизмы ай иншы церковны книгы, школны учебникы. Меджи найцѣннѣйшыма выданями быв букварь Михаила Врабеля, вецеро выдань учебникох од Августина Волошина, зберька Церковное простопѣніе од Йоанна Бокшая, словарь Емилия Кубека и каждорочны алманахы «Мѣсяцословъ-Календарь» под редакторством А. Волошина, што выходили од року 1907 накладом 10 тыс. екземплары. До конця Первой свѣтовой войны выдательство «Уніо» было единков русинсков организациов Мадярского кральовства. Формално ествовало до року 1938, але в чехословацкой добѣ помалы упадало. Од року 1921 перестала выходити новинка Наука, а од року 1932 — каждорочный алманах. В року 1929 были роспроданы вшиткы акции.
Жерела и одказы
Референции
Катеґорія:Русиньскы орґанізації