Ласло Дежев, Dezső László, *26. октобер 1927, Будьи Будапештска область (днесь жупа Пешт), Мадярске кральовство – †16. август 2016 Падуа, Италия — мадярскый языкознатель, доктор филологичных наук з 1972, професор з 1975.Єлизавета Барань
Биография Закончив Будапештску универзиту (1952)Ісаєвич Я. Д. зоз фахом преподавателя русского, мадярского и англицкого языка, а в том фаху працовав пять рокы в Инштитутѣ чужоземных языкох, пак в библиотецѣ Будапештской универзиты, а од року 1964 — в Инштитутѣ языкознаня Мадярской Академии Наук.
В роках 1975–1985 быв професором Дебреценской универзиты, а од року 1988 позваный до Падуанской универзиты.Paul Robert Magocsi Найпродуктивнѣйшым периодом быв дебреценскый, а в Падуи по одходѣ до пензии зостав жити до конця живота.
Творба Ласло Дежев автор понад 200 научных робот, з котрых 17 монографии (3 в сполуавторствѣ). Важнѣйшы роботы, дотычны Угорской Руси, суть: Памятники деловой письменности Закарпатья XVIII ст. Будапешт, 1965 Очерки по истории закарпатских говоров. Будапешт, 1967 Украинский памятник середины XVI ст. Няговские поучения. Словарь и анализ. Дебрецен, 1985 А XVI–XVIII századok kárpatalja ukrán nyelvműemlék magyar jövevényszavai. Budapest, 1989 Деловая письменность русинов в XVI–XVIII веках. Словарь, анализ, тексты. Ниредьгаза, 1996. Переважно занимав ся литературныма памятниками XVI–XVIII. стороча з Угорской Руси (доба, коли формовав ся русинскый язык), з котрых складовав и словникы.
Жерела и одказы
Референции
Катеґорія:Педаґоґы Катеґорія:Лингвисты Катеґорія:Лексикографы