Ла́твія ( , латґал. , лів. ), офіціално Латві́йська респу́бліка (, латґал. , лів. ) є крайина в Балтійськум реґіоні в сівернуй Европі. Латвія — єдна из трьох Балтійськых держав уєдно из Естонійов и Литвов. На сівері Латвія граничит из Естонійов; на югови з Литвов; на восток из Російов; на юговосток из Білорусьов; на запад має морську границю из Швеційов.
Латвія занимат площу 64,573 км² и має 1.83 млн обывателюв. Розміщена є у помірному кліматичному поясі. Головным и майвеликым варошом Латвії є Ріґа, другым майвеликым варошом — Дауґавпілс.
Латвійці чинят 65.5% населеня крайины, належат ид балтськуй етноязыковуй ґрупі тай приказувут по латвійськы. Майчитавов націоналнов меншинов у крайині сут росіяне, котрі чинят почти четвертину населеня; 37.7% населеня мавут російську бесіду за рудну.
Латвія — розвинута крайина з высокым доходком, розвинутов економіков, котра має 39. місто у Індексови людського розвою. Она є членом Европської унії (уд 2004), Еврозоны, НАТО, Рады Европы, Орґанізації споєных націй, Рады держав Балтійського моря, Межинародного валутного фонда, Нордично-Балтської вусямкы (Nordic-Baltic Eight), Нордичного інвестиційного банка, Орґанізації про економічну спувпрацю тай розвуй, Орґанізації про безпеку и спувпрацю в Европі тай Світової торгової орґанізації.
Офіційнов валутов у Латвії є евро.
Сторочами Латвія была пуд тевтонськым, шведськым, польсько-литовськым и російськым правліньом. Дустала незалежность 18. новембра 1918. року, удколовши ся уд Російської імперії по кунци Першої світової войны. По переворотови 1934. року и встановліню власти диктатора Карліса Улманіса держава зачала ставати чим дале, тым май автократичнов. Фактична незалежность Латвії была перервата на зачаткови Другої світової войны, раз окупаційов крайины Совєтськым союзом, дале окупаційов Латвії Націштськов Німещинов у 1941, а пак наново повторнов совєтськов окупаційов у 1944, котра на слідувучі 45 рокув исформовала Латвійську ССР. Позад іміґрації бігом совєтської окупації, етнічні росіяне стали майчитавов меншинов у крайині. У 1987. році у балтійськых совєтськых республіках ся зачала мирна Співавуча револуція, котра ся кунчила 21. авґуста 1991 удновліньом їх фактичної и офіційної незалежности.21. авґуста 1991. року по авґустовому пучови Верьховна рада прияла конституційный закон „За державность Латвійської республікы“, уголосивши Статю 5 Декларації неплатнов и так кунчивши переходный період и удновивши фактичну незалежность. Удтовды Латвія стала демократичнов унітарнов парламентнов республіков.
Етимолоґія Назывка „Латвія“ походит уд назвы народа латґалцюв, єдного из чотырьох індоевропськых балтськых племен (уєдно из курами, селами тай земґалами), котрі сформовали етнічноє ядро сучасных латвійцюв уєдно из балтофінськыми лівами. Генріх Латвійськый увюг у хоснованя латинцізації назывкы крайины, „Lettigallia“ тай „Lethia“, обідві з котрых походят уд назвы латґалцюв. Уд сих термінув пушли варіації назывкы крайины у романськых (уд „Letonia“) и дакулькох ґерманськых языках (уд „Lettland“).
Заміткы
Референції
Одкликованя
Латвія Катеґорія:Европска унія
Катеґорія:Штаты і теріторії, котры основаны 1991