Гавриил Мирошай, *13. фебруар 1923, Нягово, Подкарпатска Русь, Чехословакия – †5. юн 2007, Пряшов, Словакия — диригент и хормайстер Старославянского грекокатолицкого катедралного хору св. Йоанна Хрестителя в Пряшовѣ.Др. Петро КРАЙНЯК Биография Походжѣня и штудии Уродив ся 13. фебруара 1923 в селѣ Нягово Тячовского округу на бывшой Подкарпатской Руси, в родинѣ грекокатолицкого священика. По гимназиалных штудиях в Ужгородѣ, в року 1942 наступив до ужгородской семинарии,Михаил Капраль. пак продовжив теологичны штудии в Пряшовѣ и Оломовцу. Ещи в часѣ теологичных штудий приобрѣв любов до хорового литургичного спѣву, котра зостала му в сердцю на цѣлый живот. Музична чинность Авшак его животна туга стати ся священиком ся му не сповнила про знамы смутны подѣи, звязаны з наступом тоталитного режиму зачатком рокох. Вступив до цивилного живота, спершу учительовав, пак робив в розличных господарскых функциях. В року 1968 в Пряшовѣ основав Старославянскый грекокатолицкый катедралный хор св. Йоанна Хрестителя и быв на его челѣ скоро 30 рокы. Своим дѣятельством достав ся меджи найвызнамнѣйшых диригентох в Пряшовѣ и в истории пряшовскых катедралных хорох. Хоровый спѣв под его веджѣньом ся став неоддѣлнов частьов божественных литургий в катедралном храмѣ св. Йоанна Хрестителя, вшиткых вызнамных церковных подѣй Пряшовской грекокатолицкой епархии, многых успѣшных културно-сполоченскых акций в Пряшовѣ, в Словакии и за ей границями. Конець живота Гавриил Мирошай быв скромный, роботный, жертовный чоловѣк, своей Грекокатолицкой Церкви одданый вѣруючый, в родинѣ старостливый и ласкавый отець. Не любив принимати слова хвалы при своих животных юбилеях. Умер 5. юна 2007. Похованый в Пряшовѣ 13. юна 2007. Жерела и одказы
Референции
Катеґорія:Русиньскы умелцї Катеґорія:Русиньскы церьковны дїятелї