Е́рнест Ге́мингвей ( Ernest Hemingway);Двоите имя Ернест Миллер достав за дѣдом по линии матери. *21. юл 1899, Чикаго, Иллинойс, США – †2. юл 1961, Кетчум, Айдахо, США — америцкый писатель и новинарь, лавреат Нобела з литературы за рок 1954.Young, Philip
Гемингвей быв познатый мужественостьов своих геройох, але ай своим властным авантурным и широко розрекламованым животом. Його лаконичный и ясный штил прозы зробив моцный вплыв на красне писемство XX. стороча.
Живот и творчость Походив з родины дохтора зоз села недалеко Чикага, котрое днесь уже район того города. По закончѣню школы (1917) быв репортером в новинках. До войска не быв приятый, бо мав ошкоджене око, але року 1918 служив шофером америцкого Червеного Креста яко добровольник на австро-талианском фронтѣ. По тяжком зранѣню ся вернув до США и служив новинарьом. Новинарска практика мала важну роль во формованю литературного стила Гемингвея, куртого, беземоцийного, з выразнов увагов ку детайлам и фактам. Репортажы, статьи и начеркы не лишив до конця живота, и стали ся они взором новинарского умѣня. В роках 1920–1924 быв репортером од Toronto Star в Парижу и ту дебутовав малов книжочков Три повѣдкы и десять верши ( Тhrее short stories and ten poems), 1923).Осовский О. Е.
Його перва векша книга — зберька повѣдань В нашѣ часы ( In our time), Париж, 1924; Ню Йорк, 1925). В року 1926 опубликовав роман И сонце вставать ( The sun also rises), з котрым добыв свой первый свѣтовый успѣх. Гемингвей вельо путовав, интересовали го лыжованя, бычы бои, рыбырѣня и ловецтво, а тото вшитко, як и зажиткы войнового репортера, стало ся не лем частьов його живота, але и тлом його творбы, котра в значной мѣрѣ обсягуе автобиографичны зложкы.
В том романѣ з великов силов указав боль, розчарованя и безнадѣю „страченой генерации“ в рокы повойнового „процвѣтаня“. В далшом антивойновом романѣ Збогом, оружие! ( A farewell to arms, 1929), котрый написав уже в США и з ним змоцнив собѣ свѣтову славу, „страчена генерация“ нам ся являть в процесѣ формованя. Автор дегероизуе войну, але не громадить описы войновых страхот. Через окремы фронтовы епизоды подавать што лем мож кондензованы образы, в котрых указуе глубоке неприятельство войны чоловѣкови. В основному же война указана непрямо — через ей оддѣяня на духовный свѣт и судьбы людей.Финкельштейн И. Л.
За первыма триумфами появив даколько менше указных дѣл: Смерть по полудню ( Death in the Afternoon, 1932) о бычых боя в Испании; Зелены грункы Африкы ( Green Hills of Africa, 1935), автобиографична „ловецка книга“; Мати ай не мати ( To Have and Have Not, 1937), социалный роман з добы економичной депресии.
Подѣи домовой войны в Испании (1936–1939) стали ся материалом про новый здвиг в творчости Гемингвея. О них написав шор повѣдань, свою едину велику гру Пята колона ( The Fifth Column, 1938) и найвекшый роман, перве по року 1929 могуче и вызнамне дѣло, Кому звонять на одпровод ( For Whom the Bell Tolls, 1940). Тогочасна критика означила го за найлѣпшый роман Гемингвея, и став ся його найвецей продаванов книгов.
По Другой свѣтовой войнѣ (1939—1945), в котрой Гемингвей быв тыж участный, в його творчости наставать спозначный спад. То вертать ся ку вычерпаным темам, то ся зъявлять неспособным умѣлецко освоити новый материал (роман зоз Другой свѣтовой войны За рѣков, меджи деревами ( Across the river and into the trees, 1950). Тот роман критика означила за провал.
Але Гемингвей ещи раз ся збировав утвердити в позачасовом сюжетѣ и штилизованой на библицкый лад повѣсти-притчи Старець а море ( The old man and the sea, 1952), котра ся стала своефайтовым умѣлецкым салдом його творбы и нагодов на признаня му Пулитцеровой (1953) и Нобеловой (1954) наград.
Приватный живот Охабивши Кубу, де бывав около 20 рокы, Гемингвей ся в року 1960 оселив в Кетчумѣ, штат Айдахо, и пробовав дале писати, але, поятый непокойом и депресиев, не збировав. 2. юла 1961 закончив свой живот выстрѣлом з броковницѣ во свойом домѣ в Кетчумѣ. Гемингвей быв женатый четырираз: зоз Гедли Ричардсон ( Hadley Richardson, 1921, розвели ся 1927), зоз Павлинов Пфайффер ( Pauline Pfeiffer, 1927, развели ся 1940), зоз Мартов Геллхорн ( Martha Gellhorn, 1940, розвели ся 1945) ай зоз Мери Велш ( Mary Welsh, 1946). Родили ся им трое сынове: Джон Гедли Никанор „Бамби“ од Гедли, 1923; Патрик од Павлины, 1928; ай Грегори, тыж од Павлины, 1931.
Гемингвей лишив Кубу, послухавши раду дохтора переселити ся до невеликого горского мѣстечка в зонѣ мѣрной климы. В року 1960 у нього выявили симптомы шизофрении и мании преслѣдованя. Але ани лѣчѣня одпочивком, ани терапия в америцкой клиницѣ не дали резултат. Не знав собѣ иншой рады, як наслѣдовати примѣр свого отця, котрый тыж ся застрѣлив зоз свойой любленой ловецкой броковницѣ.Дудова Л.
Жерела и одказы
Референции
Катеґорія:Англоязычны писателе Катеґорія:Писателе США Катеґорія:Писателе 20. стороча Катеґорія:Нобеловы лавреаты з литературы