Северин Леополд Обст (; *29. децембер 1847, Нижный Березов, Австрийска империя – †2. януар 1917, Львов, Австро-Мадярщина) — польскый малярь и етнограф, найвеце познатый своима роботами о Гуцулах.В. К. Морозюк
Штудии По скончѣню школской наукы штудовав на Вѣденьской академии вытварного умѣня малярство, графику, историю културы и умѣня (1864–1871). В року 1874 вернув ся на отцюзнину и жив з мальованя портретох заможных люди.
Творчость Од малости полюбив гуцулскый край, а в зрѣлы рокы мальовав сцены из живота Гуцулох, зберав людовы казкы, домашны предметы и умѣня, доконця писав етнографичны штудии. Из увидженого створив два албумы шкицох декоративных мотивох из металовых выробкох, рѣзбарства, ткацтва и вышивкы. Од року 1883 бывав в Лембергу. Про музей Л. Вербицкого илустровав етнографичны выданя «Взоры промыслу домашнього» – «Металовы выробы селян на Руси» (1882), «Вышивкы селян на Руси» (1887), «Глиняны выробы селян на Руси (Косов ай Сокаль)» (1889). Илустровав книгу В. Шухевича Гуцулщина (1899–1908). В роках 1889–1898 мав свою майстерню, де выучовав малярству. Роботы Обста были експонованы на выставках в польскых городах и в Лондонѣ, а в року 1912 мав персоналну выставку в Лембергу з нагоды 50-роча творчости. Од року 1910 бывав в старобинцю.
Жерела и одказы
Референции
Катеґорія:Польскы етнографы Катеґорія:Маляре