Мняв — вто котяча вокалізація. У мнявканя сут рузні тоны и звукы, оно годно быти як безсмысленым приказованьом, так и закликаням ид чомусь, годні мнявкати буркотаньом тай шепотаньом. Дорослі коты рідко мнявкают помежи собов. Мнявканя дорослых коту до людий розниковуют як продовженя мнявканя котят: кыбы на них обернули увагу. Помежи собов коты комунікуют май часто своїми рухами.
Мнявканя вто высокочастотный звук котрый выдают котята. Они обычно ним кличут си маму, айбо дорослі коты тоже годні выдавати сись звук. Мнявканя похожоє на то што описано в Brown et al. 1978 як заклик ид изоляції. Дись коли котятам три-чотыри тыжньы, вни перестают мнявкати коли, коло них другі коты, а коли їм чотыри-пять місяцю вни мнявкают дуже рідко.
Общі знамостї и біолоґічнї деталї
Мнявканя кота годно быти напорливым, простацькым, дружелюбным, смілым, привітньым, приманюючым увагу, вымогливым авадь жалостным. Оно годно быти даже беззвучным, коли кут удкрыває рот, но нич не чути. Як люди, коли они радоснї, годнї много говорити, так и коты. За думаньом The Purrington Post, бисїдливі коты, май скорі, тоже радоснї.
Мнявканя де-факто є выученыв поведінков. Бывші одичавівші коты мнявкают май рідко, чим коты, котрі навыкли на общеня из чоловіком всю свою жизнь. Особено прилїпливі коты мнявкают у наслїдуючуй и рефлекторнуй манері в одповідь на общеня з чоловіком, в ходї котрого межи двома существами происходит обмін мерькованями, што годно включати взаїмный емоціональный контакт.
Удкликованя