Ру́ська Мо́кра — село у Украйині, у Тячӯвському районови Закарпатьской области.
Ґеополога Село Руська Мокра ся находить на берегови рікы Мокрянка, на высоті 600 метрӯв над морём, межов миже Руськыв и Німицькыв Мокрыв є Урочище "Церковный Звур", а из Усть-Чорныв Урочище "Занёво"
На западі суть горы Гропа и Ружа а дале ся продовжать полонинами Кычера и Красна.
Май высока точка — 1600 метрова гора Стрымба.
Клімат Позад специфікы нахождіня села миже Гӯрськых хребтӯв — Красна, Ґорґаны и Свидовець, у селі Руська Мокра сніг у сириднёму лежить 162 дны на рӯк, Максимум было 178 дню̄в.
Интересны Факты • Село Руська Мокра май дождьливоє село Пудкарпатя
• Село при СССР было у составі Усть-Чорнянської Селищной Общины
• У селі была Німицька колонıя 1775-1945 р.
Історія Село основаноє у 1638 році Руснаками из Марамо́роша и дворянами Мадярщины из Фамілії Долгай.
У 1775 році у село прийшли Швабські Колоністы из Цура і окреса Луґано.
У 1922 році у селі учинили Чехы узкоколійну желізницю, дрыва тым путём везли аж у Тересву.
У 1942 році село стало частёв сети оборонных строёк и укріплень "Ліні Арпада". У окто̄вброви 1944 року РСЧК взяли село по невеликӯв перестрілці из Ґарнізоном села.
У 1947 році у кучах Німцю̄в котрі пӯшли гет учинили Школу (4-класна система).
У 1955 році учинили 7-рӯчну школу котра у 1962 стала 8-рӯчна.
У селі є Уніацька, Православна и Єванґелістьска церкви.
У 1997 и 2001 році у селах Руська Мокра и Німицька Мокра страшна повінь зничтожила 28 хыж, 42 пострадали а мосты и дамбы были силно изнеможены.
Обывательство У 2001 році у селі жило 1357 людий (ныні 1490), из них подля языка:
украйиньскый— 99,26%
руськый— 0,44%
німицькый— 0,22%
иврит— 0,07%
Знамі Родаци Василь Мигалёвич Країло — Началник вайнового госпіталя, доктор медичных наук
Удкликованя
Катеґорія:Населены пункты Украины Катеґорія:Населены пункты Закарпатской области Катеґорія:Села Закарпатьской области Катеґорія:Села Україны