Восстаня́ Ма́джі-Ма́джі () — восстаня 1905–1907-ых рокӯв народӯв Танзанії против Німицькой колоніалной адміністрації.
Історія Причинов восстаня послужило усиленя репресивных мір и жестокі законы колоніалных управ, котрі пуднимали обсяг робліня бавовны у южных реґіонах колонії. Вшытко исе проходило у убыль интересам містного африканьского и індійського обывательства и невеликого султаната, екзіствовашого у реґіонови. Репресивны законы, такі, ге налог на смітя ци заказованя на охоту, усилили недовольство людий, и у кӯнцю того улилося у вооруженоє восстаня.
Восстаня зачали 20. юла 1905. року троє людий: двоє чоловікӯв из племен мвурі и опунда, и жона из племени опунда. Они зничтожили плантації хлопчатника близ сел Кіпатуму и Надетте на території племени матумбі у континенталнӯм секторі портового вароша Кілва. Май пак ид начатому восстаню прикапчали ся і другі племена тай народы.
Читаву ролу у восстаню мав чоловік на имня Кінджікітіле Нгвале, што походив з района племени „матумбі“. У юнію-юлію 1904. года місні жителі прийняли го ги пророка. Заклав секту маджі-маджі («маджі» на свагілі значит «вода»).
Місні люде віровали, што годні ся будут боронити з помочов маґії маджі-маджі, котра мала перечиньовати зброю німицькых колоністу на воду.
И так векшына жертв восстаня умерла не уд німицького оружия, а уд голода, бо німицькі колоніалні вӯйська у 1907. році спалили вшыткі села, поля и хащу. Ид кӯнцю метежа практицькы всё містноє обывательство было истреблено.
Дакотрі вӯйська метежникӯв продовжали партизаньску во̄йну до тых пӯр, докӯть у юлови 1908. рока не были захвачены и казнены.
Значіня У Танзанії восстаня Маджі-Маджі рахує ся дуже важным дійством у націоналнӯв історії.[кым?] Джуліус Ньерере — первый президент зъединеной Танзанії — назвав повстанцю̄в піонерами кываня за націоналноє зъединеня державы, котроє у 1964. році ознаменовало ся сотворінём єдиного независного штата. Катеґорія:Колонії Нїмецька Катеґорія:Танзания Катеґорія:Історія Танзанії Катеґорія:Історія Катеґорія:Африка Катеґорія:1900-ы Катеґорія:1905 Катеґорія:1907