Алексі́й Леоні́дович Петро́в (; *16. марца 1859 – †5. януара 1932) — російськый и чехословацькый історик, педаґоґ и лінґвішта, зглядоватиль історії Карпатської Руси.
Біоґрафія Родив ся Алексій Леонідович Петров 16. марца 1859. року у Петербурґови у файті протоиєрея. Кӱнчив ґімназію у Санкт-Петербурґови (1876), історико-філолоґічный факултет Петербурзького універзитета (1880). Укладав історію у петербурзькых ґімназіях, а из 1887 професор славянознавства Вышшых жӱнськых курсӱв, а по тому — Петербурзького універзитета (1890–1922). У 1922. році еміґровав у Чехословенсько, жив у Празі. Быв дійсным членом Научного общества им. Т. Шевченка у Львовови, почестным членом Общества им. А. Духновича. 5. януара 1932. року умер пӱсля тяжкої хвороты, захраненый вӱн быв на знаменитому Ольшанському тиметовови у Празі.
Творьба Вись ёго научный доробок присяченый изучіню історії Пудкарпатя и Угорської Руси. Первый раз прибыв у Угорську Русь у 1885. році, потӱм у 1890, 1897 и 1911. Из 1922 каждого року приїзджав на Пудкарпатську Русь и Пряшӱвську Русь, изучав туй книжні зберькы и архівні матеріалы. У резултатови довгої роботы из-пуд рукы А. Л. Петрова уходять 9 выпускӱв „Матеріалы для історії Угорської Руси“ (СПб., 1905–1914, т. І-VII; Прага, 1923–1932, т. VIII-ІХ). За перві шість томӱв сёго вызданя вӱн одержує у Петербурзькому універзитетови, де робив, ученый ступінь маґістра (1907), а потӱм доктора славянознавства (1911).
Книгы
Материалы для истории Угорской Руси (СПб., 1905–1914, т. І-VII; Прага, 1923–1932, т. VIII-ІХ) К вопросу о словенско-русской этнографической границе — Ужгород, 1923 Древнѣйшая церковнославянская грамота 1404 г. о карпаторусской территоріи к основанию Грушевского монастыря св. архангела Михаила в Марамороше — Ужгород, 1927 Древнѣйшая на Карпатской Руси шолтысская грамота 1329 г. — Ужгород, 1929 Древнѣйшие грамоты по истории карпаторусской церкви и иерархии 1391–1498 гг. (Прага, 1930) Задачи карпаторусской историографии — Прага, 1930 Národopisná mapa Uher podle úředního lexikonu osad z roku 1773 - Praha, 1924
Удкликованя
Віднянськый С. В. Петров Алексій Леонідович // Енциклопедія історії Украйины : у 10 т. / редкол.: В. А. Смолій (голова) та ін. ; Інститут історії Украйины НАН Украйины. — К. : Наукова думка, 2011. — Т. 8 : Па — Прик. — С. 193. — ISBN 978-966-00-1142-7.
Иван Поп. Енциклопедія Підкарпатської Руси. Видавництво В. Падяка. — Ужгород, 2001
Петров Алексій Леонідович // Україна в міжнародних відносинах. Енциклопедичний словник-довідник. Випуск 6. Біографічна частина: Н–Я / Відп. ред. М.М. Варварцев. — К.: Ін-т історії України НАН України, 2016. — с.102-103 Патриарх карпаторусской историографии Алексей Петров (к 80-летию со дня смерти)
Катеґорія:Уродили ся 1859 Катеґорія:Персоналії подля алфавіту Катеґорія:Умерли 1932 Катеґорія:Умерли у Празі Катеґорія:Родакы Санкт-Петербурґа Катеґорія:Умерли 5. януара Катеґорія:Родили ся 16. марца Катеґорія:Історіци Катеґорія:Русиньскы історіци