Комо́рські островы́ (комор. Komori; , ) — архіпелаґ вулканічного происхоженя в Індійському океанови, в сївернуй части Мозамбікського пролива помежи Мадаґаскаром и Африков. Площадь 2238 км². Обывательство приблизно 900 тис. людий (2010), главным образом народ анталоатра (коморцї).
Острова Нгазіджа (Ґранд-Комор), Ндзуанї (Анжуан), Мвалї (Мохелї), риф Вайе и шор другых формуют републіку Союз Коморськых Острову. Острова Майотта (Маоре), Паманзї, Мзамборо и др. складают французськый заморськый реґіон Майотта, якый так само хотят Коморы.
На главному острові Нгазиджа є дїючый вулкан Картала.
Состав
Архипелаґ складає ся из 4 великых, 2 невеликых и пару дисятку малых острову.
Географія Острова горнї (высота до 2300 м). Окруженї кораловыми рифами. Клімат тропічный, вогкый и горячый. Число осадку: уд 1100 до 3000 мм в гуд. Вирхнї частї берегу гор покрытї густыми тропічными хащами, дулу находят ся саваны и корчові гущи. Круглый гуд є опасность зараженя малярійов. Май высока точка — дїючый вулкан Картала (2361 м).
Геологічно май старый остров — Майотта, його протяглость — 39 км, ширина — 22 км, сама высока точка — гора Бенара (, 660 м). Из-за вулканічного происхоженя в даякых районах землї доста родючі. Кораловый риф, окружающый велику часть острова, застачає його рыбов и охраняє місні суды.
Удкликованя