YouTube (уд анґл. you — ты, і «tube» — (труба, телик (жарґ. Телевізор) є амеріканськым соціялномедійным сирвісом и онлайн-платформов на діліня відео, што є властностьов компанії Google. YouTube быв закладеный 14. фебруваря 2005 года трьома бывшыми заміснаными PayPal – Стівом Ченом, Чадом Герлі тай Джавадом Карімом. Главна концеларія є в Сан-Бруно, Каліфорнія. То є друга май часто навщивный интернет-бук на свiті по Google Search. У янувари 2024 года YouTube мав булше 2,7 міліярду місячных актівных уживатилю, што в рокаши позирали булше гий 1 міліярду годин відео каждый динь. Каждый динь на платформу ся убтирьхає ся понад 500 годин відео. Сполочно є на YouTube около 14,8 міліярду відео.
13. новимбря 2006 года Google купив YouTube за 1,65 міліярду долару. Google розширив бізнес-модела YouTube, убы не заробляти лем на рекламі, айбо й на платному контентови, наприклад, кінах и ексклюзівных відеох. Так само є YouTube Premium – платна пудписка, вбы мож позерати відео без рекламы. YouTube участвує у проґрамі Google AdSense, што приносит приходок и платформі, и творцям контента. У 2023 годови приходок уд рекламы на YouTube дотягнув 31,7 міліярды долару, што на 2 % булше, ги у 2022 годі. Меже четвертым кварталом 2023 и тритьым кварталом 2024 года приходок уд рекламы й пудписок перевысив 50 міліярды долару.
Потум, як Google купив YouTube, платформа розширилa ся понад сам интернет-бук – появили ся мобілні аплікації, телевізійні вирзії й интеґрація з другыми платформами. Відео на YouTube ся ділят до рузных катеґорій: музичні кліпы, новины, короткометражні і повнометражні кіна, документалкы, трийлеры, потокы заживо, влоґы тай другоє. Булшина контента є уд личных творцю (ютуберу), айбо и грубі медійні компанії мавут свої каналы, вбы дотягти ся до булшої авдіторії.
YouTube мав грубинськый вплыв на сполоченство, популарну културу й интернет-тренды. Ун зотворив новоє поколіня селибріту й мултіміліоніру. Айбо платформа часто крітікує ся позад поширіня дезінформації, порушіня авторскых прав, проблемы з пріватностьов уживатилю, строгої цензуры, пудверганя небезпеци дітий и ниєдностайноє выконаня правил платформы.
Історія лоґотіпа
Удкликаня