Карпато-Русинськоє Общество (C-RS; ) є дарьмовоє културноє общество в Споєных Штатах Америкы, котроє ся занимат ушоколованьом и пудпоров русинської културы а історії. Уно было закладеноє в Пітсбурґови в годови 1994 и є майгрубов ексклузівнов русинськов орґанізаційов у Сівернуй Америци из булше чим 3000 учасниками.
C-RS ся старає ушколовати як людий русинського походжиня, так ай другых, за карпато-русинськоє наслідство. Общество пудпорює сокочиня а розвуй русинської културы по обыдвох боках Атлантікы.
Закладиня Імпулс діля закладиня C-RS выйшов из Другого Світового Конґреса Русину, котрый проходив у Креници, Польща, у годови 1993. Нова орґанізація зроблена на інклузівні пудходы, гий у иншых американськых карпато-русинськых орґанізацій, ай именно из Карпато-Русинського Дослідницького Центра, закладеного у 1978 Павлом Робертом Маґочійом, и Русинської Асоціяції, закладеної Ларі Ґоґом у 1983.Медвідь (2015).
Орґанізація была сформована головно тритьым а четвертым поколіньом карпато-русинськых Американцю, котрі мали за ціль помочи другым у убявліньови свойого русинського походжіня в часови, коли етнонім "Карпато-Русин" не быв широко знаным. У чисть силного, державу немавучого народа, котрому рудный край міняв володарю много разу за стогудя, C-RS хотіла розсказати интересну історію «народа низвыдкы» – приповідкові слова, котрі придумав славный американськый умілиць русинського походжиня Енді Варгол.
Лоґо общества має на собі націоналный русинськый ерб – черленый медвідь, што стойит против синьо-золотых полос. Тот щіт быв первый раз прийнятый гий офіційный ерб Чехословенськуй провінції Пудкарпатська Русь 30-го марця 1920. Май Пузно впав до забытя по розбитьови Чехословенщины німицькыма націстами у 1938, айбо быв щи раз прийнятый гий офіційный сімбол Закарпатскої области Украйины 18 децембря 1990.
Ліва часть ерба є поділена на 7 ґорізонталных синьо-золотых полус. Навпротив полос черленый медвідь, котрый став там хыбно, позад того, што член гералдічної комісії Ґустав Фрідріх думав, ож ун быв на еробови Ужгорода, а зад ерба срібный. Сякі цвіты на еробови были пудобрані ґералдічнов комісійов Міністерства уднушньых діл Чехословенщины, гий компроміс меже украйинофілами тай русофілами.
Ранні годы Общество розросло ся быстро из пирьвых восьмох закладатилю. Тот розвуй вымушовало ид зотвориню новинкы діля члену — "The New Rusyn Times" (Новый Русинськый Часопис). кроме того, же пропаґує самосвідомость тай ідентичность карпато-русину, місія C-RS «высоко цінити неперервность живота, котра изкапчує живучу русинську културу из ю стародавньым и дорогоцінным наслідством». Позад зроставучого членства, общество пудпорьовало можности учіня, выражіня тай радости из красы живота, што пудтверджат цінности живучого карпато-русинського наслідства.
C-RS орґанізовало конференції за історію и ґенеалоґію Русину, а тоже коордінує русинськый културный стенд на Пітсбурґському Фолковому Фестівалови. Общество спонсоровало націоналноє карпато-русинськоє културноє сяткованя в Музийови Енді Варгола в Пітсбурґови тай забезпечат вандровні выставкы русинської културы діля цирьковных а етнічных фестівалу.
Єден из май грубых ранньых успіху C-RS было удновлиня скапчаня из европийськым карпато-русинськым обществом и пудпора йихньої діятелности на возроджиня културы по 50 годовому переслідованьови комунізмом. Общество має два фонды діля Европы – Фонд Гуманітарної Помочи тай Фонд Русинського Рудного Края.
Фонд Гуманітарної Помочи быв зотвореный у 1996, коли карпато-русинські села в Закарпатськуй области Украйины пострадали уд нечеканої пузньої осинньої поводи, котра забрала 17 житю тай лишила соткы людий без хыжий. Через свойых члену, C-RS соробутничало из Американськым Черленым Крижом, убы зоорґанізовати помуч діля людий из Пудкарпатскої Руси. Уд тогды фонд головно посылає медічні засобы діля медічных професіоналу у Закарпатю.
Фонд Русиньского Родного Краю давав широку пудпору карпато-русинському обществу в выхуднуй Словенщині в важный момент – перед списаньом населиня в 2001 годови, убы повышати етнічну узнаминость спомеже людий русинського походжиня. Фонд фінансовав друк мап из русинськыма селами, вандровну выставку културы и широку розсылку русинськых ґазет ай часопису ид русинськым файтам. Гий выслідок, число житилю Словенщины, што ся приписали гий Русины, у разы выросло руняно из списаньом 1991 года. Фонд тож фінансовав зотвориня ґрупы ушкул из русинськым языком в Закарпатюmukachevo.net | На Закарпатті працює 26 русинських шкіл.
Розвуй Пирьвый презідент C-RS быв Джон Ріґеті, котрый служив до 2012 и типирь є почесный презідент (president emeritus). Його наступником быв Джім Кепчар-Камінскі (2013–2015), а уд 2015 є презідентков Маріян Сивак. Общество типирь має 7 удділинь и 11 віток по цілуй Америци.
C-RS ся старала соробутничати зо вшиткыма карпато-русинськыми орґанізаціями по цілому світови, убы ширити історічну, ґенеалоґічну, языкову и етнокултурну информацію. кроме свого часописа, общество зотворило веб-сторунку, блоґ и емийл-бюлетін C-RS Connection. Уд 2004 года, проґрама Carpatho-Rusyn Society Heritage Program передават русинську музику а информацію через радію WPIT в укресности Пітсбурґа и ґлобално через интернет. Общество тоже веде форум о ґенеалоґії на своюй веб-сторунци и поширит свою присутность у соціялных мидійох.
Проґрамы, котрі служат и русинськуй общині в Америци, и в Европі, включавут дуже успішну Rusyn Heritage Tour. Общество орґанізує каждогудню двотыждньову вандровку по карпато-русинськых реґіонах Польщи (Лемковина), Словенщины (Пряшувська Русь) тай Украйины (Пудкарпатя). Тур є зануриньом в типирішню русинську културу и дават можность навідати предковські села і проводити ґенеалоґічны досліджиня. Уд 2011 года C-RS пудпорює и фінансово дофінансовує участь в Studium Carpato-Ruthenorum – каждогуднюй меженароднуй літнюй ушколи русинського языка тай културы при Пряшувськуй універзіті.
Націоналный културный центр
У 2004 годови C-RS купило бывшый собор С. Йоана Хреститиля (ґрекокатолицька цирьква) на улици Діксон 915 в Мунгалови, Пенсілванія, и перебудовало го на Карпато-Русинськый Културный и Ушколовськый Центр. Стогудна будова мат грубоє значіня діля людий русинського походжіня. Його спроєктовав у 1903 годови архітектор из Мадярщины Тітус де Бобула, и є надыхниноє собором Возвышиня Чесного Христа в Ужгороді (тодгы Унґвар, Мадярськоє королювство). У 1929 годови будова была выбрана за катедру діля русинського ґрекокатолицького екзархата в Америци.
У майови 2019 года общество сятковало своє 25 гуддя в убновленому културному цинтрі. Основну выголошвня мав професор Павел Роберт Маґочій, майвызначный світовый експерт за карпато-русину, котрому вручили майвыщу нагороду общества – Примію Майкла Стренка, названа у чисть карпато-русинському морському сержантови в Америци, котрый помагав пуднести американськый флаґ в бойови на Іво Джімі. Выходит из села Орябина (ныні Ярабина), Чехословенщина, Стренк дустав американськоє громаданство посмертно в 2008 годови.
Крітіка Єден из бывшых члену рады Карпаторусинського общества пише, што лишив свою посаду там, и пушов гет из Карпаторусинського консорція Сіверної Америкы, боСтатя на сайті Орґанізації про Русинськый Розвуй: «Основа Русинії: завидіня у карпато-русинізм»
Свуй досвід тамкы ун описав так:
По його словах, ся инстетуція дуже застаріла и взята у плін склеротичної бірократії, з мінімалнов моложавськов културов а змаганьов на ю припойиня. Сесе лем удголоско бывшого кываня, котрым керувут люде, котрых доганяв серидньый вік щи у часы падіня жилізної завісы, то єсть, булшость сут старі люде. Як людий пуд 30 году, было не булше пару стувок. При тум грубуй части молодої чиляди посады были подарині, и лем здисятка члену не мали фамилных зязку из старшыма, тай лиш не грубу часть из них ун годен быв назвати зуправднов "интеліґинційов".
За його участи поміняв ся склад рады, и ю чолови став Джон Ріґетті — закладатиль орґанізації. Тогды вни зобрали молодых компетентных актівісту из меседжом: ліквідовати стаґнацію и реално протручати русинську културу в діаспорі.
Нововыбрана рада у резултатови вчинила дуже мало діля того, жебы C-RS стало серйознов активістськов орґанізаційов. Хоть поєдны и подали ідиї перечинити систему реґіоналных членств и вытворити моложавськоє крыло. Стрічі фурт му напоминали зборы універзититського факултета. Мусай было ся держати дуже ограничувучых ідеолоґічных директив — такої собі „збирькы правил“, котра докус не брала на позур реалії русинського общества, ци міры, котрі мусай принимати на місті.
Хоть якоє убговоріня націоналізма як платформы, ци самостуйноє введіня русину у політику як ворошної силы, нараз ся удмітовало.
Орґанізація не зробила нич "значимого" и воліє признавати стаґнацію общества та ю причины, до того же... У выслідкови ун рішив лишити орґанізацію, бо:
Никай ся втож Александер Духнович Ґриґорій Жаткович Американські русины Список американськых русину Лемкы Панонські русины Ужгородська унія Русинська Ґреко-Католицька цирьква Орґанізація про Русинськый Розвуй
Пудміткы
Удкликаня Carpatho-Rusyn Media Outlet Carpatho-Rusyn Heritage Radio Program C-RS YouTube Channel C-RS Facebook Page C-RS Instagram Carpatho-Rusyn Research Center Rusin Association Катеґорія:Русиньска діаспора Катеґорія:Русинскы литературознателе Катеґорія:Русиньска култура Катеґорія:Русины