Мадярьска Комуністична Партія (мад. Magyar Kommunista Párt, МКП) была комуністична партія в Мадярьску, котра існувала в міжвійновім періоді і коротко і по Другій світовій війні. Партія рад была основана 24-го новембра 1918 року під назвов Партія Комуністів в Мадярьску (мад. Kommunisták Magyarországi Pártja, КМП).
У 1919 році, під веджіньом Бейла Кун, партія пришла до влады і основала короткотрвалу Мадярьску Совєтьску Републіку (март – авґуст 1919). Тота републіка была повалена румуньскыв армійов, а лідеры партії (в тім чіслї і Кун) мусили еміґровати – найперше до Відня, потім до Москвы.
В часі між войнами партія діяла у еміґрації і утратила барз членів. В часі Другої світової війны змінила назву на Партія Миру (мад. Békepárt), але уж в 1944 році ся вернула к комуністичній ідеолоґії і прийняла назад стару назву.
Після війны партія пришла назад до влады. Під веджіньом Матьяша Ракоші, компартія зліквідувала другы політичны партії і в 1948 році злучыла ся з соціал-демократами, з котрыма створила Мадярьска Партія Трудящых (мад. Magyar Dolgozók Pártja), котра стала єдинов владнов партійов в країні.
Партія была членом Комінтерну, а пізніше і Комінформу.
Екстерны одказы
A Magyar Kommunista Párt megalakulása
Катеґорія:Комунистичны партии Катеґорія:Політіка Мадярщины