Сергей Михайлович Ейзенштейн, , ; 22. януар 1898, Рига (теперь Латвия) – 11. фебруар 1948, Москва) — росийскый, спочатку театровый режисер але найвекшу славу собѣ здобыв на полю граного филма. Его найславнѣйшым филмом став ся Крижник Потемкин (СССР, 1925), котрый поважують за найлѣпшый филм свѣтовой кинематографии, а в Белгии в року 1958 в рамках World's Fair быв фахманами зволеный за найлѣпшый филм вшыткых доб.
Биография и творба Сын богатого архитекта, Ейзенштейн в року 1915 зачав штудовати архитектуру на Ставебном инштитутѣ в Петроградѣ. В яри 1917 быв мобилизованый до войска, од року 1918 служив яко войсковый инженер в Червеной армадѣ, але при каждой можности споряжав театралны инсценации. Наконець быв придѣленый ку Политичному оддѣлу Западного фронта, и театрална пропаганда ся стала его войсковов повинностьов.Шкловский В. Б. В далшых роках Ейзенштейн перешов до Московского театра Пролеткулт,Пролетарска култура. яко сценограф, а пак и режисер. Режисер Пролеткулта Всеволод Мейерхолд мав великый вплыв на Ейзенштейна, коли го ознакомив з концепциев биомеханикы циже подмѣненой спонтанности. Ейзенштейн з теории Мейерхолда вывинув свое властне «зоставлѣня атракционох» — поступность образчикох, сполочный емоционалный ефект котрых перевысшать суму его частей. Подля его теории, тот штил редагованя фунгуе аналогично диалектицѣ Маркса. Хоть Ейзенштейн мав намѣр чинити филмы про обычайного позирача, его интензивне поуживаня символизма и метафор, котре называв «интелектуалным монтованьом», даколи не мало порозумѣня од публикы. Наперек тому, же створив лем сѣм филмох за свою карьеру, его роботы указали, як филм годен выйти за рамкы свого попередника девятнадцатого стороча — викторианского театра — и створити абстрактны концепции з конкретныма образами.Michael Kaminsky
Выбор з филмографии 1924 Штрайк, Стачка 1925 Крижник Потемкин, Броненосец Потёмкин 1927 Октобер, Октябрь 1929 Давне и нове (Генерална линия), Старое и новое (Генеральная линия) 1938 Александер Невскый, Александр Невский 1944–1945 Иван Грозный, Иван Грозный Часть филмох была заказана цензуров, або знята з промѣтаня по куртом часѣ. Филмы, створены в заграничу не достали схвалѣня в СССР.
Жерела и одказы Шкловский В. Б. Эйзенштейн. — 2-е изд. — М.: Искусство, 1976. — 328 с. Сс. 62–64.
Референции
Катеґорія:Російскы режісеры