О́ломовц авадь О́ломоуц ( , ) тото варош у Чеськуй республіці, адміністративный центер Оломовцького краю, што лежит на ріці Морава. Ун має дас 103,000 бывателюв и є шестым варошом крайины за населеньом. Оломовц быв єднов из історичных столиць Моравы, докідь не трафив у окупацію шведської армії бігом Тридцятьручної войны. Історичный центер вароша ся добрі всокотив и є защищеный ги вароська памняткова резервація. У 2000. році Колона Пресятої Тройці трафила до Исписа світової дідузнины ЮНЕСКО за свуй бароковый стиль и символічну цінность.
Адміністративноє діленя Оломовц обсягує 26 муніципалных частий (у дужках указаноє населеня подля списованя людности в 2021): Оломовц – Olomouc (13,446) Бєлідла – Bělidla (834) Черновір – Černovír (1,010) Хомовтов – Chomoutov (1,070) Хвалковіце – Chválkovice (2,398) Дрождін – Droždín (1,340) Гейчін – Hejčín (2,856) Годоланы – Hodolany (8,444) Голіце – Holice (4,248) Клаштерні Градіско – Klášterní Hradisko (1,787) Лазце – Lazce (5,871) Лошов – Lošov (732) Недвєжі – Nedvězí (538) Неміланы – Nemilany (1,312) Нержедін – Neředín (8,928) Нова Уліце – Nová Ulice (19,214) Нові Сады – Nové Sady (13,524) Новый Свєт – Nový Svět (947) Павловічкы – Pavlovičky (484) Повел – Povel (9,553) Радіков – Radíkov (382) Ржепчін – Řepčín (2,661) Славонін – Slavonín (2,847) Сятый Копечек – Svatý Kopeček (801) Тополаны – Topolany (361) Тінечек – Týneček (475)
Етимолоґія Походжіня назывкы вароша ся набізувно не знає. Подля майчасто розникованої теорії она пушла уд имени Олмут (). Подля иншакої теорії назывка пушла уд прасловянськых слув ol „пиво“ и mútit „шуміти“.
Є леґенда, ож на території днешнього Оломовца быв римськый форт, закладеный леґіонарями пуд проводом Ґая Юлія Цезаря, котрый ся кликав авадь , удкідь пушла сучасна назывка Оломовц. Хоть археолоґы найшли сліды табора римськых леґіонарюв, леґенда за присутность Юлія Цезаря ся появила у ренесансный період и не має доказув, котрі бы ї пудтвердили.
Ґеоґрафія
Оломовц ся розміщує на плыскуй родючуй земли Верьхньоморавської долины, дас за 61 кілометер на сіверовосток уд Бырна тай на 200 км на юговосток уд Прагы. Восточный крайчик муніципалної території (присілкы Лошов, Радіков и Сятый Копечек) заходит у верьховину Низькый Єсенік и обсягує берег, котрый є майвысоков точков Оломовца, 444 м над морьом. На сівері Оломовц має хранену крайинну область Літовелске Помораві.
Через варош идут ріка Морава тай єї голузка Млінськый потук, а у центрі вароша у Мораву заходит Быстржіце. На сівері муніципалный гатар формує Оскава.
На сівері муніципалної території є 85-гектаровоє Хомовтовськоє озеро (), вытвореноє затопліньом шутрової копалні и важноє про міґрувучых потят; оно є домом про єдну из майвеликых у крайині колоній мев рехотусых и мев чорноголовых.
Історія
Братські вароші Братські вароші Оломовца вто:
Антоні, Франція Кракув, Польща Кхун-мінґ, КНР Луцерн, Швайц Макарска, Горватія Нырдлінґен, Німещина Старе место (Братіслава), Словакія Овенсборо (Кентакі), США Пийч, Мадярщина Суботіца, Сербія Тампере, Фінландія Трептов-Кыпенік (Берлін), Німещина Веенендаал, Нідерланды
Другі факты На честь вароша є названый астероїд 30564 Оломовц у поясі астероїдув межи Марсом и Юпітером. Назывку му дав доктор Петр Правец, котрый го удкрыв, увидівши з Ондржейовської обзерваторії.
Референції