Петро Сова (*11. юла 1894, Гайтовка, Липнянского окресу, теперь Старолюбовнянского, Австро-Мадярщина – † 10. юна 1984, Ужгород, УССР, СССР) — историк, писатель, политик.Хланта І. В.Павленко Г. В.
Животопис Штудии и зачаток роботы в Ужгородѣ Закончив класичну гимназию в Пряшовѣ (1913), юридичный инштитут в Кошицях (1923). В марцу 1915 быв рекрутованый до австро-мадярского войска, а 30. септембра 1916 трафив до русского заятя. Дому вернув ся 8. мая 1919 и быв на 4 мѣсяцѣ рекрутованый до чешского войска, а од 1. новембра 1919 працовав учительом реалной гимназии в Ужгородѣ и паралелно продовжовав юридичну освѣту в Кошицях. 12. октобра 1922 быв выбраный за ужгородского муниципалного радника и на тому посту быв до новембра 1938.Наталія Толочко В Ужгородѣ быв тыж назначеный на чоло едного з рефератох чехословацкого министерства школ и радником губернатора Подкарпатской Руси з културы.Иван ПопМ. М. Вегеш, М. Ю. Токар В роках 1924–1927 быв подстароста Ужгорода (по-теперѣшному заступник мера). Брав участь у важных роботах з розвою инфраштруктуры Ужгорода: ругулация рѣкы Уг, выставба водопроводу, мясокомбинату, електрарнѣ, желѣзобетонного моста, кинотеатру, организация мѣстской библиотекы. Довгы рокы быв на чолѣ културно-освѣтного фонду «Школьная помощь», котрый выдавав вецеро новинок и книжных хосенных выдань, брав активну участь у роботѣ «Русского культурно-просветительского общества имени А. Духновича» (библиотекарь, член президии).
Политична чинность Твердо выступав за реализацию права Подкарпатской Руси на автономию, од року 1935 быв секретарьом русофилской фракции Центральной Русской Народной Рады (ЦРНР). По Вѣденьской арбитражи (2.11.1938) и прилученю Ужгорода ку Мадярщинѣ одышов до Хуста, де продовжовав чинность ЦРНР, опозичну владѣ А. Волошина. Въедно з В. Караманом и П. Федором пробовали пересвѣдчити провадарьох в Празѣ, же подкарпатска украинофилска влада нелоялна Чехословакии, дештруктивна и недемократична. По окупации Карпатской Украины мадярскым войском вернув ся до Ужгороду, де служив як радник при регентском комисарѣ и член муниципалной рады до самого приходу совѣтскых войск.
Апогей политичной чинности досяг з приходом на Закарпаття совѣтского войска и проголошеньом ту Закарпатской Украины. 27. октобра 1944 совѣтске войско заяло Ужгород. На другый день у будовѣ варошской рады (нынѣ школа №9 на площи Петефи), командованя 4-го Украинского фронту створило дочасну мѣстску управу у чолѣ з Петром Совов. Уже 12. новембра того ж року раду замѣнив народный комитет, якому у чолѣ утвердили тыж його. 26. новембра у Мукачовѣ зъѣзд народных комитетох прияв «Манифест» о злученю Закарпатской Украины зо Совѣтсков Украинов. Безпартийный Сова быв выбраный на первого заступника головы Народной рады Закарпатской Украины (Ивана Туряницѣ).
Але на тому политична карьера му ся закончила: влада не мала довѣру ку такым людям. В роках 1946–1951 быв директором, 1951–1956 кустосом ужгородского музея, а пак му зостали уже лем занятя краезнателя, историка и литератора.
Краезнатель, историк, археолог, писатель В року 1935 вышла краезнавча книга «Ужгород Užhorod» з обкладков роботы Адалберта Ердели под редакциов П. Совы, до котрой тыж написав спередлово и едну статью, Цѣла книга была по чешскы, а тота едина статья по русскы.
В совѣтской добѣ выдав краезнавчы книгы о архитектурных памятниках Закарпатя, о замку ужгородском, замку мукачовском, замку невицком, и вельо далшых. В року 1937 выдав книгу «Прошлое Ужгорода», де описана история до року 1918.
В року 1937 выявив в ужгородском варошском микрорайонѣ Галагов давну славянску селитву з цѣнныма артефактами. Тоту находку тай дакотры з иншых микрорайонох описав у книзѣ «Давный вѣк Ужгорода» в року 1943.Павло Пеняк
Перебываючи в Хустѣ, выявив знамениту Долину нарцисох и гомылы римской добы в районѣ сел Иза и Липча. В року 1944 вышла му книга «Ungvár multja» (Минулость Ужгорода), котру выдало Подкарпатское общество наук, по мадярскы, де история описана до року 1940.
В року 1948 на восточной убочи Замковой горы (147 м над морьом) в садови, прилеглому ку замку, краезнатель зобрав 64 камяны выробы з кремѣню, котры восени 1959 указав на провѣрку доктору историчных наук, палеолитознателю з инштитуту сполоченскых наук АН УССР у Львовѣ . Тот признав их палеолитичну належность, дав май точне датованя: 50 – 35 тысяч рокы тому. Днесь колекция в фондах музея, а найдище в фаховых кругах достало назву Ужгород I.
Як литератор найвеце зостав в памяти своима ловецькыма повѣданями и перекладом по мадярскы «Слова о полку Игоревом». Окремыма книжками вышли «Зачарованная долина» (1966) и «В дебрях Карпат» (1975).
Публикации на интернетѣ Петръ Сова. Прошлое Ужгорода. Типография «Школьной Помощи», Ужгородъ. 1937. Историческій очеркъ. 312 стр. ФГБУ «Президентская библиотека имени Б. Н. Ельцина» НБУ ім. Ярослава Мудрого Петро Сова. Ловецькы повѣданя.(пожадуе ся регистрация)
Жерела
Хланта І. В. Сова Петро Петрович
Референции