Ла́нґош ( ) є филь боґача в мадярськуй и русинськуй кухни, популарный у Мадярщині стрітфуд. Днесь ланґош є типово жареный в олою, айбо історично вун ся чинив из послідньых дарабчикув кіста на хліб и пюк ся у переднюй части шпора, їв ся головно ги фрыштик у день выпіканя хліба.June Meyers Authentic Hungarian Heirloom Recipes Cookbook

Назывкы тай етимолоґія

Назывка їдіня походит уд „пломінь“.

Ланґош ся знає пуд такыми назывками у другых крайинах: Чехія, Словакія, Сербія и Горватія: langoš Румынія (особено Ардял): langoş Словенія: langaš Болгарія и Сіверна Македонія: мекица

Історія До 20. стороча ся хліб пюк раз у тыжджень. У Мадярщині была традиція зрана, докедь шпор ся щи нагрівав, печи малі боґачикы з остаткув кіста — ланґоші. Ланґоші ся пораз знали їсти з основным їдіньом ги хліб.

Варіації

Кісто на ланґоші ся чинит из воды, мукы, дружджув и соли. Інґредієнты ся змішувут и дружджі зачинавут метаболізовати угльоводы в муці, спозад чого ся выділят угльокыслый ґаз, котрый ся воздушными ґомбульками пуднимат идгорі на поверьхнусть кіста. Пораз у кісто давут сметану, йоґурт авадь топтані крумплі (ланґош из крумплями по ). Ланґоші ся типово їдят горячыми и подавут ся з реселованым сыром и сметанов авадь мачанков из чеснока и сметаны горі; коло Бийкийшчобо ланґоші знавут їсти з брынзов.

Ланґош читаво популарный у Мадярщині ги стрітфуд и часто ся продає у фастфудовых ресторанах, на автобусных и желізничных штаціях, на базарах и ярмарках.

Кеньийрланґош (, ) ото варіація ланґоша, печена у шпорі з мнясом и цибульов, котра май подабат на піцу.

Референції

Катеґорія:Їдла Катеґорія:Мадярська кухня Катеґорія:Русинська кухня