Полáта () є село на Словакії в Меджілабірьскім окресї Пряшівского краю.
Історія Перша писомна змінка о селї Полата была в роцї 1330 під назвов Палата (Palata) і была тогды частёв панства Гуменне. В 18. і 19. столїтю належала роду Чакёвцїв, концём 19. столїтя належыли тутешнї маєткы желїзніцї. В роцї 1715 было в Полатї девять обываных і необываных домовых господарьстев, в роцї 1787 мало село 70 домів і 498 жытелїв. В роцї 1828 было в селї 76 домів і 559 жытелїв, котры працовали як vozníci, дереворубачі, польногосподарї і працовники в каменёломі. До року 1918 належало тото село до Земпліньской жупы к Австро-Угорьску і потім перешла під Чехословакію. Почас другой світовой войны в роцї 1944 зазнала Полата розсяглой шкоды у рамках тяжкых боёв Выходокарпатьской операції і 60 єй домів выгорїло.
Ґеоґрафія Село ся находить в Низкых Бескідах в поводї потока Выдранька, прямо під главным гребінём Карпат і тым самым на граніцї з Польском. Главным гребінём ведуть два переходы, а то Лаборецькый переход на северї і Лупковскый переход на юговыходї од Полаты. Центер села лежыть в надморській вышцї 482 м н. м. і є оддаленый в 8 км од Меджілабірцёв.
На северї і выходї гранічіть з селом Команьча (в Польску), на югу з селами Вырава і Чабалівцї, на югозападї з селом Няґів і на западї з містом Меджілабірцї (часть Выдрань).
Обывательство
Ґалерія
Референції
Вонкашнї одказы
Полата – офіціална вебова сторінка села