Михайлів () — село на Словакии в окресѣ Снина Пряшовского краю. Лежить в Буковскых верхах, в долинѣ потока Михайловчик в надморскых вышках 240 аж 400 м.н.м. Сосѣдны села суть Кленова на сѣверу, Убля на востоку, Дубрава и Шмиговець на югу, Ладомиров на западѣ.
История Перва писемна упоминка о селѣ под назвов Mihalіo записана в року 1557 (по часѣ Mihajlo).
Назва походить очевидно од имени первого шолтисаМихайло, котрый основав село на закладѣ валашского права в 16. сторочу. Од зачатку и в току 17. стороча село належало родинѣ Другетох (гуменске панство).
В року 1600 в селѣ было пять подданскых хыж, а такый розмѣр села передержав ся понад стороча, в року 1720 тыж заевидованы пять подданскых хыж.
Обывателе села платили дань од року 1567.
Обывательство
Зложеня обывательства подля народности (2011 р.)Народностне зложіня обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-08-27.: Русины - 19 (19,0%) Словаци - 76 (76,0%) Украинцѣ - 3 Чехы - 2
Русинскый язык за материнскый означили 90 особ (90,0% обывательох села).Материньскый язык обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-08-27.
Памяткы В селѣ мають грекокатолицку церкву Рождества Богородицѣ з року 1841, выставлену в поздном бароковом стилу, котра зберегла ся в добром ставѣ и служить свому назначеню, зарегистрована як културна памятка Словакии.
Референции