Улич Кривый (в мѣстной гварѣ Кривый; в пряшовской кодификации Уліч Кривый; Uličské Krivé) — село на Словеньску в окресѣ Снина Пряшовского краю.
Етимология назвы О назвѣ села обывателе мають легенду. Она говорить, же в готарѣ села на бережку Збойского потока пас свинѣ кондаш. А быв хромый, кривав на едну ногу. Ту собѣ поставив колибу, а пак з часом там выросло село. На память за тым криваючым пастырьом достало назву Кривый. Так го и доднесь называють вшиткы обывателе в околици. А зато, же сел з таков назвов было вельо, та пак по часѣ достала и додаток ULIČSKÉ KRIVÉ, бо положена в близкости Улича.https://www.ulicskekrive.sk/historia História
А слова той легенды потвердила ай штатистика, на основѣ котрой влада затвердила тоту назву в року 2023.
История Перва писемна упоминка о взнику села Kirwa походить з року 1478.Василь Федич
З увагы на географичну пологу и способ осельованя околичных сел Кривый быв основаный на валашском правѣ, але в року 1550 уже была часть села на закупном правѣ. В року 1657 на двох шолтиствах газдовали 30 родин, а 9 родин были желярскы. Село до послѣдной третины належало Другетам. Од року 1715 мали в селѣ млин. Окрем традичных сельскых робот занимали ся лѣсныма роботами. В роках 1939–1944 были под мадярсков окупациов, а быв ту трудовый лагр примусовой роботы. Село ослободила совѣтска армада. Од року 1948 зачав ходити автобус. В року 1950 створили земледѣлске дружство (JRD), але уже по двох роках было ликвидоване. В року 1959 отворили камѣньолом, а в року 1960 докончили електрификацию, ставбу продавалнѣ и готела, в року 1967 — новой школы.
Обывательство
Обывательство Улич Кривого подля народности в року 2021: Русины88,89% Словаци11,11%
З увагы на вѣру штатистика з року 2001 така: грекокатолици 69,10% православны24,65% римокатолици1,39% атеисты4,17% иншы вызнаня0,35%
Памяткы Церьков Архангела Михаила з року 1718 (Народна Културна Памятка ч. 709-152/0).
Вызначны родаци Иван Рѣпа (*1764 – †1851), грекокатолицкый священик, учитель, поет Андрей Рѣпай (*1829 – †1914), русинскый дѣятель, автор учебникох Еден Сатала (*1889–†1958), мадярскый ботаник и лихенолог
Жерела Василь Федич: Улицьке Криве (Улицький Кривий) – Uličské Krivé // С. 485.
Референции