Мука́чово ци Му́нкач (оф. , , ) є варош у Закарпатьскуй области Украйины, адміністративный центер Мукачовського района, котрый ся розміщує у долині рікы Латориця. Має
Назывка Домінантнов верзійов етимолоґії назывкы вароша є походжіня уд „робутник“. Иншака верзія капчат назву вароша на словянськоє слово мука.
Уд 23. мая 2017. року — кой го перейменовали рішеньом Верьховної рады з ініціативы місных бывателюв — варош ся офіційно кличе по украйинськы Мукачево (перед тым уд 1947 ся кликав Мукачеве).Council renamed Mukacheve into Mukachevo, BBC Ukrainian (23 May 2017)
Назывкы вароша другыми бесідами сут:
укр. , мад. , рум. , рос. , пол. , слц. и чеськ. Mukačevo, нім. , їдіш. (Munkatsh', місный уговор Münkatsh'),
Історія
Засноване в другій половинї VIII. стороча. У 1396 Угорьскый король Сіґізмунд подаровав Мукачово і закріплені за ним володіння князові Федорові Коріатовичові. В 1445. роцї реґент країны Янош Гуняді дав Мукачеву привілеґій — право на самоуправлїня, то значіть місто достало Маґдебургське право. У XVII сторочу під владов Трансільванії. У XVIII. сторочу — часть Австро-Угорьска. В 1919. роцї Мукачово было частёв Підкарпатьской Русї і припоєне до Чеськословеньской републікы. По Другій світовій войнї Підкарпатьска Русь (в тім чіслі і Мукачово) припоєне до Україньской ССР. З 1991. року часть незалежной Україны.
Бігом Студеної войны, у Мукачові розміщовали ся воєнна авіабаза тай радарна штація.
Мукачувська грекокатолицька єпархія
Мукачово — центер Мукачувської грекокатолицької єпархії (МГКЄ), адміністративної єдиниці католицької церькви, котра ся пудпорядковує напряму Сятому престолови и так є церьквов лат. („свого права“). МГКЄ екзістує окремо уд Украйинської грекокатолицької церькви (УГКЦ).
Демоґрафія
Жыдувська община
У Береґсаському державному архіхови сут документы, котрі указувут, ож ашкеназькі жыдове бывали у Мункачови тай селах кругом нього уже у другуй половині 17. стороча. У 1851. рокови у Мукачові фунґовала велика єшіва (ошкола про штудованя торы).
Мункачські жыды у меживойновый період чинили почти половину населеня вароша, были матеріално бідні, айбо богаті ідеолоґічно. Мукачовські жыдове ся знали за хасідську активность тай іновації у сіонізмі и сучаснум жыдувськум ошколованьови.One or more of the preceding sentences incorporates text from the United States Holocaust Memorial Museum, and has been released under the GFDL:
Жыдувськоє населеня Мукачова уросло из 2,131 чоловік у 1825 до 5,049 чоловік у 1891 (почти 50% ушыткого населеня), пак до 7,675 чоловік у 1910 (дас 44%). До року 1921, 10,000 жыдув усе щи чинили практично половину бывателюв вароша, айбо до 1930. року тота пропорція упала до 43% из мало булш ги 11,000 людьми. Мункачовоє жыдувськоє населеня чинило 11% жыдув Пудкарпатської Руси.
Меживойновоє Мукачово тоже мало читавоє жыдувськоє обывательство, тото было майфайно видко у шабат, кой булшина бовтув ся закрывали тай по службі улиці ся наповньовали хасідськыма жыдами у їхньому традичному цурьови. Первый кінозал у вароши тоже быв закладеный хасідськым жыдом и тоже ся закрывав на шабат и жыдувські празникы.
Головный ребе Мункача, Хаім Елазар Спіра (котрый керовав общинов уд 1913. року онь до свойої смерти у 1937.) быв ай головным голосом реліґійного антісіонізма. Ун унаслідовав статус уд свого отця, ребе Зві Гірш Спіры, котрый сам дустав тото уд свого отця, ребе Шломо Спіры. Хаім Елазар Спіра быв хасідськым ребе из читавым числом послідовникув. По ньому общину вюг його зять, ребе Барух Єгошуа Єрахміел Рабіновіч.
Кроме домінантної комуніты мункацькых хасідув там бывали ай май малі хасідські ґрупы, послідовникы ребе из династій Белз, Спінка, Зідіхов и Вішніц. Перед Голокостом варош мав дас 30 сінаґоґ, многі з котрых были штібелех, т. є. малыми сінаґоґами, котрі пораз были розміром ги комната.
Перва івритоязычна зачаткова ошкола у Чехословакії была покладена у Мукачові у 1920. році, а пак по пяти роках ся заклала и жыдувська ґімназія, котра скоро стала майпрестижнов жыдувськов ошколов на восток уд Варшавы.
У 1935. році Хаім Куґел, бывшый діректор мукачувської жыдувської ґімназії, а пак делеґат у чехословацькому парламенті уд Жыдувської партії, дав бесіду бігом парламентського спора: „…Є цілком невозможно адекватно описати худобу в реґіонови. Жыдове… уд того страдавут рувно так ги другі… Дуже силно хочу протестовати против хотьякої провбы обвинити у бідности пудкарпаторусинського селянства жыдув.“Quoted in Sole, "Subcarpathian Ruthenia, 1918-1938," in The Jews of Czechoslovakia, vol. 1, p. 132. Куґел пак пушов до Мандатної Палестины тай из часом став мером ізраїльського вароша Голон.
Власті накладовали на жыдувськоє населеня высокі налогы тай усложняли про них дустатя высокых посад.
У 1939. році Мадярщина анексовала Пудкарпатську Русь — у тум чилі и Мункач. Хоть мадярські власті справили антисемітські законы, Пудкарпатська Русь, як и остална товдышня Мадярщина, лишала ся удносно безпечнов про жыдув до окупації Мадярщины Націстськов Німещинов у році 1944.
У яри 1944. року Мукачово мало дас 15,000 жыдувськых бывателюв. У майови 1944. року варош быв уголошеный нім. — „чистым уд жыдув“ по ґетоізації тай серії депортацій у Авшвіц.
Економіка У Мукачові є фабрика австрійської фірмы-выробник лыжного тай гокейного споряджіня Fischer Sports. Фірма уд 1. януара 2016. року хоснує перевагы Углубленої тай всеохопної слобудної торгової зоны — части договора за асоціацію межи Европськов унійов и Украйинов.
Братські вароші Мукачово має за братські вароші:
Целлдимилк, Мадярщина Добош, Мадярщина Еґер, Мадярщина Гуменне, Словакія Кішварда, Мадярщина Матийсолко, Мадярщина Нірмеддєш, Мадярщина Мєлец, Польща Паґ, Горватія Пелгржімов, Чеська републіка Пряшово, Словакія Сента, Сербія Варкерілет (Будапешт), Мадярщина
Референції
Катеґорія:Населены пункты Закарпатской области