thumb|right|300px|Un zapo d'a especie Bufo bufo. Zapo VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, Zaragoza 2004. .En aragonés benasqués zap. (d'o basco < zapoa) ye una denominación popular de cualques especies d'anfibios en a orden Anura con caracteristicas comunas como son a piel berrucosa, habitos substancialment terrestres y que en tierra se desplazan caminando per cuentas de fer brincos como en altras especies. No ye una denominación que tienga garra valideza a nivel de taxonomía zoolochica.
As patas zagueras las i tienen mas curtas y robustas que no las ditas «ranas», per lo que tienen menos capacidat saltadera (anque pueden fer brincos de poca lonchitut en comparanza con aquellas), y no gosan nadar tan rapedos.
Descripción Os zapos son animals de normal nocturnos, terrestres, que deambulan por tierra cazando chicoz invertebratos que atrapan arrullando-les a luenga (que ye pegosa) en prochectando-la ta debant a gran velocidat, y retrayendo-la dimpuesas con a presa pegata.
Son mas independients de l'augua que no as ranas, en podendo-se-ne dir leixos dica cualques kilometros, y no i acuden si que ta reproducir-se, pos como toz os anuros tienen fecundación externa y precisan de ficar os uevos en l'augua. Os masclos de muitas especies ranucan ta atrayer-se a las fembras.
Os zapos tienen fama d'estar animals pandos (ixo ye, poco áchils), pos a la contra que como fan as ranas, confían a suya protección en o mimetismo (solen tener a piel de color pareixita a la tierra por a on se gosan mover) y, si bel depredador éls descubre, transpiran substancias putideras a traviés d'a piel, debant d'as que os animals de taxia olfativa predominant (p. ex. a mayoría d'os mamiferos carnivoros) se sienten repelidos. Ixas subtancias a sobén tamién contienen components irritadors u de mala sabor ta causar-le memorias a l'animal que éls mosigue. En l'Alto Aragón, a fama de pandos d'istes animals se plasma en a expresión «fer o brinco'l zapo» que s'aplica en as cosas que se piensan muito d'antes de fer-las perque no se tienen mica seguras.
Imáchens
Se veiga tamién Rana. Ranueco (anuros). Cullareta (anuros). Anura. Guardafuents.
Vinclos externos
Notas
Referencias
Categoría:Anura Categoría:Zoonimia