Rosmarinus (L., 1758) ye un chicot clado taxonomico de plantas lamiacias que tienen per caracteristica millor reconoixedera la suya aromaticidat. Son autoctonas d'a cuenca mediterrania, habitando-ie ecosistemas diversos dende o nivel d'a mar dica bels 1400 metros d'altitut. Tienen fuellas chicas, tiercas y coriacias, que responden bien a las baixa humedat y alto grau d'insolación propios d'os ambients mediterranios, anque la suya resistencia a las sequeras no ye tan important como en belaltros cheneros, per el que gosan remitir en territorios esteparios u semideserticos en os que i compiten millor especies como lo sisallo, as ontinas u as aliagas.
En 2017 as especies de Rosmarinus se movioron ta o chenero Salvia, mas gran, debito a nuevas evidencias taxonomicas. "Salvia united: The greatest good for the greatest number". Bryan T. Drew. Taxon, 2017. Vol. 66. Pach. 133–145. DOI 10.12705/661.7 Dende alavez Rosmarinus ya no ye un chenero, sino un clado d'especies monofiletico adintro d'o chenero Salvia. As suyas especies tienen en toz os casos port herbacio cuan son chóvens, y forman matas arbustivas con a edat, arribando dica a formar trancos lenyosos en as partes mas viellas, anque dende lo suyo naiximiento presentan una forma muit ramificada. En Aragón i predomina la especie Salvia rosmarinus, anque en o sud d'a Peninsula Iberica y en bels puntos d'o Magreb s'ha descrito una especie diferent (Salvia jordanii) que podría ser ocasional en chunto con as poblacions de S. rosmarinus. Actualment, no se reconoixen si que 3 especies como miembros d'o clado Rosmarinus.
Nombre En tot Aragón o solo nombre patrimonial ta istas plantas ye romeroCon as variants romer y rumero sin que s'haiga documentau garra forma influida per o catalanismo romaní u lo galicismo rosmarin. A distribución cheografica de l'un o l'altro pende d'a propensión a la perdua d'a vocal final atona de cada parla: "romero" ye la forma predominadera en tot lo territorio, sin cuasi destincions d'entre comarcas orientals u occidentals, nortencas u meridionals, anque cal planteyar-se si iste fenomeno no puede haber-se visto favoreixido per a preponderancia d'a luenga castellana que no conoix si que ixa forma, atamas de l'altra forma.
A forma "romer", con perdua d'a -O final atona, ye una forma chenuina de l'aragonés, talment arcaica, que manifiesta la tendencia d'a parla de bellas zonas cheograficas dintro d'o dominio lingüistico aragonés a la perdua d'ixa vocal final a partir de formas latinas y protorromances (romerus, romeru/o) que sí que la i hesen habido. Se documenta como "romer" en Varbenuta (Alto Galligo), Benás y Erisué (Ribagorza) y en belaltros nuclios repartidos per as comarcas de l'Alto Galligo (menos), Sobrarbe (val de PuértolasA forma "romere" la conoixen personas naturals de Puértolas, anque como forma antiga que huei dengún no utiliza. Ista parola manifiesta una posible adquisición tardana d'una -E protetica a partir de "romer". Iste fenomeno fonetico, l'adición d'una -E (que se diz protetica) en a terminación d'as parolas que s'intuye que han gosau perder a vocal final atona, ye actualment desusau en a val de Puértolas, y ya no se troba en uso si que en a vecina val de Chistau, de forma muit puntual y vinculada en a chent de mas edat.) y Ribagorza.
Imáchens
Notas
Referencias
Vinclos externos
Categoría:Flora d'Aragón Categoría:Plantas medicinals