"Eusko Abendaren Ereserkia" u "Euskadiko Ereserkia" (en idioma aragonés Himno d'a Raza Basca u Himno d'Euskadi, en grafía sabiniana orichinal "Euzko Abendaren Ereserkija") ye l'himno oficial d'o País Basco. Ye popularment conoixito como o "Gora ta Gora" (Entalto y entalto), en estar istas as palabras que se mencionan en o suyo inicio.
Historia A melodía d'iste himno ye una melodía popular basca anonima que antigamente gosabe interpretar-se en prencipiar os bailes como un saludo enta la bandera.
A zaguerías d'o sieglo XIX, cuan o nacionalismo trunfaba en Europa y en o País Basco, Sabino Arana Goiri prenió ista melodía, n'escribio una letra y a tituló orichinalmente como Euzko Abendaren Ereserkija ("Himno d'a Raza Basca" u "Himno d'a Etnia Basca").
O primer Gubierno Basco de 1936 (formau por representants d'EAJ-PNV, EAE-ANV, PSOE, PCE, Izquierda Republicana y Unión Republicana) adoptó ista melodía (sin a letra d'Arana) como himno d'o País Basco.
Aprobación Dimpués de l'aprobación d'o estatuto d'autonomía d'o País Basco (1979), o 14 d'abril de 1983 o Parlamento Basco adoptó, Ley 8/1983, de 14 de abril, sobre el Himno oficial de Euskadi. con os votos d'Euzko Alderdi Jeltzalea y d'o Centro Democrático y Social y a oposición d'o PSE-PSOE, Euskadiko Ezkerra y Alianza Popular, ista melodía como himno oficial, Diario de Sesiones del Parlamento Basco, 14 d'abril de 1983. negando o suyo caracter partidista. Qui s'oponeba a ista mesura sí que la consideraban partidista y apostaban por l'adopción d'a canción de José María Iparraguirre Gernikako arbola ("L'árbol de Guernica", 1853), con o refirme d'Alianza Popular y sectors tradicionalistas y carlistas, u por a canción de José María Garate Eusko Gudariak ("Os soldatos bascos", 1931), ista ultima con o refirme de Herri Batasuna y Euskadiko Ezkerra.
L'arreglo oficial ta orquesta ye obra de Tomás Aragüés.
Parolas En basco En aragonés
Vinclos externos Ascuitar o himno "Euzko Abendaren Ereserkia" en Youtube.com. Ascuitar o himno "Euzko Abendaren Ereserkia" cantato por a Camareta de La Luna d'Archentina.
Referencias
Categoría:Cancions con letra de Sabino Arana Categoría:Cancions d'o País Basco Categoría:Cancions de 1902 Categoría:Cancions en basco Categoría:Himnos nacionals Categoría:Simbolos d'o País Basco