Iste articlo ye sobre un río andaluz, ta atros usos, se veiga Guadalquivir (desambigación).
O río Guadalquivir (d'antes mas y prencipalment mientres l'epoca romana conoixiu como Río Betis) ye un río andaluz, que tien o suyo naixedero en Cañada de las Fuentes (en termín municipal de Quesada, Chaén, en a sierra de Cazorla), a bels 1.400 metros d'altaria sobre o livel d'a mar, y desaugua en l'Oceano Atlantico en o termin municipal de Sanlúcar de Barrameda (provincia de Cádiz), dimpués d'un recorrito de 657 km de longaria (estando o cinqueno río d'a peninsula iberica por a suya longaria). Drena una cuenca hidrolochica con una superficie total de 57.071 km², con un cabal meyano de 164,3 m³/s (en Sevilla). Amán d'a suya desembocadura se troba una zona humida de muita importancia ecolochica, as maresmas d'o Guadalquivir, que s'estendillan dende a ciudat de Sevilla dica la suya desembocadura.
Mientres o suyo recorrito por Andalucía trescruza dos d'as mas importants capitals andaluzas, como son Cordoba y Sevilla, amás de cuantas atras localidaz d'importancia historica, economica y/u cultural.
En as suyas auguas se troba Squalius alburnoides, un peix d'augua dolza que se troba nomás que en o suyo curso baixo, amás d'en os curos baixos d'os ríos Duero, Tacho y Guadiana.
Afluents Os prencipals afluents d'o río Guadalquivir son:
Por a suya marguin ezquierda: Río Guadiana Menor. Río Guadalbullón. Río Guadajoz. Río Genil, o suyo prencipal afluent, que li aporta un cabal de 33 m³/s y reculle parte d'as auguas de Sierra Nevada. Pasa por Granada, chunto con o río Darro, amás de por Huétor-Tájar, Loja, Puente Genil y Écija. río Corbones. río Guadaíra, que pasa por Alcalá de Guadaíra y Sevilla. Por a suya marguin dreita: Río Guadalimar. Río Jándula. Río Yeguas. Río Guadalmellato. Río Guadiato. Río Bembézar. Río Rivera del Huéznar. Río Viar. Río Rivera de Huelva. Río Guadiamar.
Localidaz que trescruza En a provincia de Chaén: Mogón Santo Tomé. Puente del Obispo. Mengíbar. Villanueva de la Reina. Andúchar. Marmolejo. En a provincia de Cordoba: Villa del Río. Montoro. El Carpio Cordoba. Posadas. Palma del Río. En a provincia de Sevilla: Peñaflor. Lora del Río. Villaverde del Río. Brenes. Alcalá del Río. La Rinconada. La Algaba. Camas. Sevilla. San Juan de Aznalfarache. Gelves Palomares del Río. Coria del Río. La Puebla del Río. Lebrija. En a provincia de Cádiz: Sanlúcar de Barrameda. Trebujena.
Vinclos externos
Pachina web oficial d'a Confederación Hidrografica d'o Guadalquivir. Informe de l'organización Greenpeace sobre a calidat d'as auguas d'o río Guadalquivir.
Galería d'imáchens
Guadalquivir