A Chilehaus (en alemán "A Casa de Chile") ye un edificio d'oficinas de diez pisos situato en a ciudat d'Hamburgo, Alemanya. Se troba en o Kontorhausviertel. Ye un sobrebuen eixemplo de l'arquitectura expresionista en ladriello d'os anyos 1920. Iste gran edificio angular ocupa un casal de bels 6.000m² en a carrera Fischertwiete d'Hamburgo.
Disenyo left|thumb|140px|Chilehaus L'edificio d'a Chilehaus ye famoso por a forma d'o suyo tellau, que remera a la proa d'un barco, y por as suyas fronteras, que s'unen en un anglo punchagudo entre as carreras Pumpen y Niedernstrasse. A millor anvista de l'edificio ye a que se veye dende l'este.
Amás l'edificio conta con una estructura de formigón armato y se construyió con 4,8 millons de ladriellos d'Oldenburg.Thiel-Siling, Sabine (ed.): Icons of Architecture", Prestel, 1998, Se troba situato en un terreno prou inestable, por lo que s'habioron de meter unos alacez de 16 metros de fondaria.
A suya localización amán d'o río Elba amenistó d'a construcción d'un soterrano bien isolato y o equipamiento de calefacció se construyió en un pozo de cimentación que puet flotar con l'edificio, fendo que no sía danyato en caso d'una posible inundación.
Os elementos esculturals d'as escaleras y d'a frontera los fació o escultor Richard Kuöhl.
Historia L'edificio d'a Chilehaus lo disenyo l'arquitecto Fritz Höger y se construyió entre 1922 y 1924. Fue encargato por o mainate armador Henry B. Sloman, qui fació a suya fortuna comerciando con salobre procedent de Chile, d'aqui o nombre de Casa de Chile. O coste total d'a construcción ye dificil de determinar, ya que a Chilehaus se construyió mientres o periodo d'hiperinflación que bi habió en Alemanya en primerías d'a decada de 1920, pero s'estima que estioron mas de 10 millons de marcos alemans.
Referencias
Vinclos externos
Chilehaus webcam
Categoría:Molimentos d'Hamburgo