O barranco de l'Abet (pronunciau /abˈe/, como “abé”) ye un barranco u corso d'augua menor d'Aragón, en o Sobrepuerto, que trescorre por o desapareixiu termin municipal de Basarán, actualment absorviu por o de Broto (Sobrarbe).
Ye un afluent d'o río Forcos u barranco d'a Glera por a dreita, y salva un deslivel de bels centenars de metros a traviés de la man pocina d'a valle d'Otal que se conoix como paco de Bergua, entre Bergua y Basarán. O sender que tradicionalment une istes dos nuclios de población, por o paco, i fa un vado chusto en pasando por o costau d'un salto d'augua particular, bien reconoixible por as formacions de tosca que se i troba.
Se veiga tamién
Río Forcos. Barranco de Bergazo. Barranco de Grixal. Barranco de la Fuent de Basarán.
Categoría:Barrancos d'a provincia de Uesca Categoría:Barrancos de Sobrarbe Categoría:Afluents d'o río Forcos Categoría:Sobrepuerto