Iste articlo ye sobre un dialecto de l'alemán. Ta a luenga chermanica se veiga idioma bavaro.
L'alemán bavaro (en alemán Bairischdeutsch, en bavaro Boarischdeitsch) ye a variedat estándard de l'idioma alemán charrau en as zonas de Bavera, Austria y Italia a on a luenga propia ye l'idioma bavaro y que tien a-saber-los baverismos y austriacismos, tanto lexicos como sintacticos.
Caracteristicas L'alemán bavaro ye a luenga que se fa servir en as zonas bavaroparlants de Bavera, Austria y Tirol d'o Sud (alemán austriaco en istas dos zagueras) mas que mas en as situacions formals y por escrito. En as grans ciudaz como Múnich u Viena se fa servir en todas as situacions cutianas, habendo-ie sustituyiu cuasi de tot a l'idioma bavaro.
Manimenos l'alemán bavaro encara alza prous caracteristicas provenients d'a luenga bavara que lo fan diferent d'os dialectos de l'alemán parlaus en a zona centro y norte d'Alemanya.
Lexico En l'alemán bavaro bi ha muitas parolas que son diferents a o estándard, pero comuns con l'idioma bavaro. En a siguient tabla se troban bels eixemplos:
Alemán bavaro Bavaro Alemán estándard Aragonés Grüß Dich Griaßde Guten Tag Buen día Grüß Gott Griaß God Guten Tag Buen día Servus Seawus Hallo Ola
Sintaxi Existen bels rasgos gramaticals que lo fan diferent d'o estándard y que provienen de l'idioma bavaro:
Ausencia d'o caso chenitivo, existent en l'alemán estándard, que ye sustituyiu por o dativo. Como en alemán estándard, en a formación d'o preterito perfecto y pluscuamperfecto se fa servir o verbo haben como auxiliar con verbos transitivos u que describen un comportamiento y o verbo sei con verbos intransitivos que describen un cambio d'estau o posición. Bi ha manimenos verbos que sinyalan un comportamiento y alemán bavaro por influyencia d'o idioma bavaro se conchugan con sein, mientres que en alemán estándard se fa con haben:
Alemán bavaro Bavaro Alemán estándard Aragonés ich bin gesessen i bin gsitzd ich habe gesessen m'he posau ich bin gestanden i bin gstanden ich habe gestanden m'he devantau ich bin gelegen i bin gleeng ich habe gelegen m'he chitau
Se veiga tamién Alemán austriaco Alemán bavaro medieval
Bavaro