O glaciar Fox (en anglés Fox Glacier, en maorí Te Moeka o Tuawe) ye una glaciar de 13 km de largaria situada en o Parque Nacional de Westland Tai Poutini en a costa ueste d'a Isla d'o Sud de Nueva Zelanda. Fue nombrau en 1872 dimpués d'una vesita d'o primer ministro de Nueva Zelanda Sir William Fox. Dende os alcuerdos sinyaus con os Ngai Tahu en l'anyo 1998, o nombre oficial d'o glaciar ye bilingüe, decindo-se Fox Glacier / Te Moeka o Tuawe.
Cheografía Alimentada por cuatre glaciars alpinas, o glaciar Fox baixa 2.600 m en o suyo viache de 13 km de largaria dende os Alpes d'o Sud dica a costa, estando un d'os pocas glaciars que rematan en una selva pluvial a nomás 300 m sobre o livel d'a mar. Encara que en retacule mientres os zaguers 100 anyos, avanzó entre 1985 y 2009. En 2006 l'abance meyano yera d'alto u baixo un metro por semana. En chinero de 2009, a cara terminal d'o glaciar encara continaba avanzando y teneba parez verticals u abances que s'espaldaban de contino. Dende alavez ha teniu un important retacule, estando asinas actualment en a parti mas baixa d'o glaciar a linia de vechetación que en 2009 se trobaba muit mas alto.
D'o glaciar naixe o río Fox. Mientres a zaguera edat de chelo, o suyo chelo plegaba dica l'actual linia de costa y o glaciar deixo muitas morrenas mientres avanzaba a retaculas. O laco Matheson se formó como un kettle en una d'istas morrenas. Fox Glacier area (from the DOC website. Accessed 2008-05-17.) Beautiful New Zealand, Stamps - Historical Issues, 1984 - 1980, New Zealand Post. Accessed 2008-05-17.
Referencias
Fox