Las oracions impersonals en aragonés son las que no tienen subchecto gramatical ni explicito ni implicito.
Lo verbo dicir como impersonal ye un verbo d'opinión con paralelos en castellano se dice que y en francés on dit que, introducindo subordinadas completivas. Diz que no i hai bruixas, ¡ prou qu'en i hai !. Blas Gabarda, Fernando y Romanos Hernando, Fernando, Diccionario Aragonés: Chistabín-Castellano; Gara d'Edizions. Zaragoza, 2008. p 213.
Bi ha unas construccions impersonals en aragonés que tienen equivalents en catalán nordoccidental y en part de las luengas galorromanicas (por eixemplo en francés estándard), Gramática francesa. Larousse Editorial, S.A, 2000., p 146. Jesús Cantera y Eugenio de Vicente: Gramática francesa. Editorial Cátedra, S.A., 1999, p 151. pero no en las luengas iberorromanicas. En aragonés no bi ha concordancia de lo verbo con lo sintagma nominal postverbal (que no ye un garra subchecto pero fa de subchecto en iberorromanz). Estas estructuras se pueden sentir en buena part de las parlas altoaragonesas y mesmo en lo castellano rechional d'Aragón con substrato aragonés pero no estudiau dica zaguers de lo sieglo XX por autors como Chabier Lozano y Juan José Segura. Blas Gabarda, F. y Romanos Hernando, F.: El aragonés de Baixo Penyas. 2005, Gara d'Edizions. p 33. Los verbos quedar, salir y veyer presentan estas estructuras cuan fan referencia a colectividaz indeterminadas. Ya no queda fongos.
Pronominalización de subchecto Belunas d'estas construccions impersonals s'han orichinau por pronominalización con en/ne d'un subchecto mencionau enantes, lo que produce la suya impersonalización.
Siete en ha saliu estianyo. Chabalins se'n vei mas qu'antes. Fongos ya no'n sale.
En belsetán, variant conservadera que mantiene l'uso de lo verbo ser como verbo auxiliar tiene importancia dica lo punto que fan obligatorio l'uso de l'atro verbo auxiliar: haber. Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions, p 102.: En ha estato un ciento. En ha venito vente.
Referencias
Bibliografía Blas Gabarda, F. y Romanos Hernando, F.: El aragonés de Baixo Peñas. 2005, Gara d'Edizions. Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions. F. Romanos, F. Sánchez: L'aragonés de A Fueba. Bocabulario y notas gramaticals. Uesca, Publicazions d'o Consello d'a Fabla Aragonesa (col. «Puens enta ra parola», 9) (1999). F. Romanos: L'aragonés en o sur de A Fueba. Edicions Transiberiano (en prensas). Jesús Cantera y Eugenio de Vicente: Gramática francesa. Editorial Cátedra, S.A., 1999. Gramática francesa. Larousse Editorial, S.A, 2000.
Categoría:Sintaxi de l'aragonés