La Escapa (pronunciau /las'kapa/) ye una aldeya aragonesa d'o municipio de l'Aínsa-Sobrarbe, en a comarca de Sobrarbe y a provincia de Uesca. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.178 A suya población ye de 0 habitants.
En l'actualidat no tiene garra habitant que i remanga tot l'anyo. ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006. Manimenos, una d'as casas que a componen se conserva zarrada y cubillada, con tellau de tolas de fibrocimento, y os amos a vesitan con regularidat.
Cheografía
La Escapa se troba en a baixant de solano en a valle d'o Susía, cualques metros por alto de o cauce d'o río, y por debaixo en altitut de os atros nuclios poblaus en ista marguin: a Torre, a Pardina y Castillón.
S'arriba dica ella por o caminet d'o molino que en diciban de la Escapa, dende o nuclio d'a Torre, tot baixando dende a dita población de camín ta'l río. O molín ha estau buena cosa d'anyos feito enrunas, y estió un d'os damnificaus por a riguada d'a Susía de l'anyo 1963. Anque l'augua no arribó dica la Escapa, a explotación d'o molín heba estau tradicionalment o cometido d'una d'as suyas casas, por o que en arruinar-se os d'ixa casa se'n vidon forzaus a emigrar.
No guaire leixos de la Escapa en dirección nort-ueste se troba la ermita de Sant Póliz, enta on que cada anyo o 13 d'agosto i van romeus os d'as atras localidaz de l'antigo municipio de Castillón de Sobrarbe.
Fiestas
13 d'agosto, Fiesta Mayor fendo-le honras a Sant Póliz. Se va en romería ta la ermita de Sant Póliz, en chunto con os habitants de Castillón de Sobrarbe, d'a Pardina, a Torre y Camporretuno.
Referencias
Vinclos externos Información y fotos de La Escapa.
Categoría:Lugars de l'Aínsa-Sobrarbe Categoría:Despoblaus d'a provincia de Uesca Categoría:Localidaz d'Aragón con fiestas patronals ta sant Póliz Categoría:Localidaz d'a diocesi de Uesca en Sobrarbe